Business.enbek.kz portalynda 2024 jylǵy 8 sáýirden bastap 1-lek boiynsha jańa biznes-ideialardy iske asyrý úshin granttar alýǵa ótinimder qabyldaý bastalady. Respýblika boiynsha birinshi lekte 4 500 adamǵa grant berý josparlanýda, dep habarlaidy "Ult aqparat".
Granttar qaitarymsyz negizde beriledi, nysanaly maqsaty jańa biznesti bastaý jáne damytý bolyp tabylady.
Grant kólemi 400 AEK-ti (1 476 800 teńge) quraidy. Ár qatysýshy ony tek bir ret ala alady.
Grant qarajaty isin jańa bastaǵan kásipkerlerge ózderiniń biznes-áleýetin ashýǵa, óndiristi jolǵa qoiýǵa jáne damytýǵa, sol arqyly ózin turaqty tabyspen qamtamasyz etýge múmkindik beredi.
Ótinim berý úshin qajet:
- Portalda tirkelý;
- grant alý sharttaryna sáikestigine tekserýden ótý;
- biznes-jospar úlgisin júktep alyp, ony toltyrý jáne portalǵa engizý;
- ótinish nysanyn toltyrý jáne ETsQ kiltimen qol qoiý.
Internetke nemese kompiýterge qoljetimdilik bolmaǵan jaǵdaida, mansap ortalyqtarynyń ózine-ózi qyzmet kórsetý aimaqtarynda, halyqqa qyzmet kórsetý ortalyqtarynda ótinim berýge bolady.
Grant alý úshin birqatar sharttardy saqtaý qajet.
Jańa biznes-ideiany iske asyrýǵa grant alýǵa úmitker bola alady:
- tirkelgen jumyssyzdar;
- jeke kásipkerler (tirkeý merzimi 3 jylǵa deiin).
Bul rette úmitker tómendegi áleýmettik sanattardyń birinen bolý kerek:
- múgedektigi bar adamdar;
- qoldanystaǵy «kandas» mártebesi bar adamdar;
- óńiraralyq qonys aýdarýshylar;
- az qamtylǵan otbasy músheleri;
- kópbalaly otbasy múshesi (jubaiy / zaiyby);
- múgedektigi bar balany tárbielep otyrǵan adam (jubaiy / zaiyby);
- asyraýshysynan aiyrylý boiynsha járdemaqy alýshylar.
Úmitkerdiń «Bastaý Biznes» jobasy boiynsha kásipkerlik negizderine oqytý týraly 3 jyldan aspaityn merzimge sertifikaty bolýy tiis.
Rásimderdiń ashyqtyǵyn qamtamasyz etý, adami faktordy azaitý, ótinish berýshilerge yńǵaily bolý úshin granttar berýdiń búkil protsesi elektrondyq formatqa aýystyryldy. Grant alýǵa ótinimderdi qabyldaý biryńǵai tereze – Business.enbek.kz portaly arqyly júzege asyrylady.
Grantty: qajetti qural-saimandardy, eńbek quraldaryn, tehnologiialyq jabdyqtardy, maldardy, janýarlardy, qustardy, kóshetterdi, butalardy, tuqymdardy satyp alýǵa, oryn-jailardy jalǵa alý aqysyn tóleýge alýǵa bolady.
Granttar: tutynýshylyq maqsattarǵa, kredittik qaryzdardy óteýge, jyljymaityn turǵyn úi satyp alýǵa jáne salýǵa, jer ýchaskelerin satyp alýǵa, aktsizdeletin ónimder óndirýge berilmeidi.
Granttardy Eńbek mobildiligi ortalyqtary grant alýǵa úmitkerlerdiń ótinishterin qaraý jónindegi aýdandyq/qalalyq komissiianyń sheshimi negizinde beredi.
Úmitkerler óz biznes-jobasyn komissiia otyrystarynda tanystyrady. Bul rette komissiianyń árbir múshesi biznes-jospardy baǵalaidy jáne baǵalaý paraǵyn mynadai ólshemsharttar boiynsha toltyrady: biznes-ideianyń básekege qabilettiligi, ótkizý naryqtarynyń pysyqtalýy, biznes-jobanyń qarjylyq ómirsheńdigi, kásipkerlik daǵdylardyń deńgeii, jańa jumys oryndaryn qurý.
Osylaisha, grant berý týraly sheshim komissiialyq túrde jáne úmitkerlerdiń biznes-jobalarynyń pysyqtalýyn baǵalaýdyń naqty ólshemsharttary negizinde qabyldanady.
Komissiia sheshimi úmitkerdiń Portaldaǵy jeke kabinetine jiberiledi. Komissiianyń oń sheshimi bolǵan jaǵdaida úmitker bank derektemelerin usynady, shartqa qol qoiady jáne odan ári toqsan saiyn qarajattyń paidalanylýy týraly esep beredi. Munyń bári Eńbek mobildiligi ortalyqtary men onyń filialdaryna (mansap ortalyqtaryna) barmai-aq, elektrondyq formatta jasalady.
