45 "Altyn belgi" iegeri biyl bilim berý grantyn ala almady. Bul týraly kaz.tengrinews.kz redaktsiiasynyń resmi saýalyna Ulttyq testileý ortalyǵynyń bergen jaýabynda aitylǵan.
"Konkýrsqa 2208 "Altyn belgi" iegeri tapsyrys bergen, olardyń 45-i grantty jeńe almady", - dedi Testileý ortalyǵynyń ókilderi. Sonymen qatar, ortalyqtyń málimetinshe, 2015 jyly bilim berý grantyn 47 "Altyn belgi" iegeri ala almaǵan.
UTO-tyń málimetinshe, "Altyn belgi" iegerleri mynadai mamandyqtardy tańdaǵan: jalpy meditsina; aqparattyq júieler; radiotehnika jáne telekommýnikatsiia; esepteý tehnikasy jáne baǵdarlamalyq jasaqtama; stomatologiia; avtomattandyrý jáne basqarý; shetel tili: eki shet tili (aǵylshyn tili); esep jáne aýdit; menedjment; qarjy; aýdarma isi.
Sonymen qatar, QR Bilim jáne ǵylym ministrliginiń joǵary oqý oryndardyń basshylyǵymen birlesip, memlekettik granttardy ala almai qalǵan "Altyn belgi" iegerleriniń isterin jeke-jeke qarastyryp, olardyń JOO qarajaty esebinen bilim alý múmkindigin qarastyrady. "Altyn belgi" ielerine bilim bergisi keletin top-5 joǵarǵy oqý-oryndary, bular: ál-Farabi atyndaǵy qazaq ulttyq ýniversiteti, L.N. Gýmilev atyndaǵy Eýraziia Ulttyq ýniversiteti, S.D. Asfendiiarov atyndaǵy ulttyq meditsinalyq ýniversitet, "Astana" meditsinalyq ýniversiteti jáne Qaraǵandy memlekettik meditsinalyq ýniversiteti.
"Biyl 2059 "Altyn belgi" iegeri oqýyn elimizdiń JOO-larynda jalǵastyrýǵa niet bildirdi. Alaida, olardyń deni básekelestik deńgeii joǵary qarjy-ekonomikalyq nemese áleýmettik-gýmanitarlyq baǵyttaǵy mamandyqtardy tańdap alyp otyr. Kópshilik elimizde sońǵy jyldary ndýstriialyq-innovatsiialyq damý basymdyqtaryna kóp kóńil bólinip jatqanyn eskermei keledi. Biyl da memlekettik granttardyń kóp bóligi atalǵan basymdyqtardy júzege asyrýdy kózdep, eńbek naryǵynyń qajettilikterine baǵyttalyp otyr", - delingen habarlamada.
