"Atameken" Ulttyq Kásipkerler palatasynyń basqarma tóraǵasy Abylai Myrzahmetov qoǵamdyq tamaqtaný salasynyń qyzmetkerlerine 42500 teńgeden tóleýge negiz joq ekenin aitty, - dep habarlaidy Tengrinews.kz.
"Qyzmetin toqtatatyn nemese shekteý engiziletin kásipkerler ne isteidi? Qandai kómek kórsetiledi? Almatyda bul másele shielenisip tur. Qoǵamdyq tamaqtaný salasynda adamdar jalaqysyz qalady. Qyzmetkerlerge aqshany kim óteidi?", - dep surady jýrnalist OKQ brifinginde.
Abylai Myrzahmetov qoǵamdyq tamaqtaný jumysyna qatysty engizilgen qazirgi shekteýlerdi qatań deýge kelmeidi dep jaýap berdi.
"Sońǵy qaýlyda, ásirese Nur-Sultan boiynsha kinoteatrlar men fitnes-ortalyqtar jabyldy, al endi Ashyq-ta 2 tamyzdan bastap osy qyzmet túrleri, biliard jáne kompiýter klýbtarynyń jumysyna ruqsat beriledi. (...)
Ony lokdaýn deýge kelmeidi. Árine, shekteýler bar, biraq ázirge ol demalys kúnderiniń sheginde ǵana. Bárine Ashyq boiynsha jumys isteý quqyǵy beriledi, tolyq toqtaý joq. Demalys kúnderi bizneste shyǵyn bolatynymen kelisemin. Biraq TJ nemese lokdaýn deýge bolmaidy. Ázirge 42 500 tóleýge quqyqtyq negiz joq", - dedi ol brifingte.
Ol shekteýlerge bailanysty tabystan airylý jaǵdaiyn túsinetinin aitty. Biraq "soǵan qaramastan bes kún biznesmender jumys istei alady".
"Biz bul apta týraly kelistik. Bir aptadan keiin Ashyq-qa qatysýshylarǵa jaǵdai jaqsarady. Eger Ashyq arqyly jumys isteitin kásipker bolsańyz, tún ortasyna deiin jumys isteýge ruqsat bolady...
Bul uzaq merzimge emes, eger jaǵdai turaqtansa, ári qarai qozǵalamyz. Sondyqtan ázirge mundai suraqtar qoiylmaidy. (...) Bir apta jumys isteiik, jaǵdaidy baqylap otyramyz", - dedi ol.
