Eńbek jáne halyqty áleýmettik qorǵaý ministri Birjan Nurymbetov elimizde 42 500 teńgelik tólemdi alýǵa bolatyn arnaiy saittyń ashylatynyn málimdedi, dep habarlaidy "Ult aqparat".
«42 500 teńgeni alý boiynsha halyqtan kóptegen suraq kelip jatyr. Egov.kz portalyna kóp adam kire almaitynyn aitýda. Sol úshin osy kúnge deiin kele jatqan Egov.kz portalyndaǵy elektrondy ótinish servisinde ótinishińizdi toltyrýǵa múmkindik bar. Bul jerde faildy tirkeý týraly talap alynyp tastalady. Elektrondy ótinishke tek qana ózińiz týraly málimetti, jeke nómirińiz ben kartochkalyq esepshotyńyzdy engizesiz», - dedi Birjan Nurymbetov OKQ-da ótken baspasóz máslihatynda.
Ministrdiń aitýynsha, ETsQ-men qatar SMS arqyly parol alyp, óz qoltańbańyzdy qoiýǵa bolady.
«Elektrondy úkimet portalyna qazir kóp adam kire almai jatyr. Sondyqtan Eńbek jáne halyqty áleýmettik qorǵaý ministrligi BTS kompaniiasymen birlese otyryp, 42500 teńgeni alý úshin arnaiy sait ashamyz. Ol saitta azamattar óz ótishinin qaldyra alady. Sait erteń tańerteń iske qosylady», - dedi ol.
