Elimizde 42 500 teńgelik tólemdi berý tártibine ózgeris engizildi. Tiisti buiryq Eńbek jáne halyqty áleýmettik qorǵaý ministrliginiń saitynda jariialandy, - dep habarlaidy QazAqparat.
Buiryqqa Eńbek jáne halyqty áleýmettik qorǵaý ministri Birjan Nurymbetov qol qoiǵan.
Oǵan sáikes 42 500 teńgelik tólem aktsiialary jáne jarǵylyq kapitalyndaǵy úlesteri tikelei nemese janama túrde memleketke tiesili zańdy tulǵalardyń, ekinshi deńgeidegi bankterdiń, bank operatsiialarynyń jekelegen túrlerin júzege asyratyn uiymdardyń qyzmetkerlerine berilmeidi.
Tolyǵyraq aitqanda 42 500 teńgelik áleýmettik tólem tómendegi sanattaǵy azamattarǵa berilmeidi:
1. BJT tóleýshilerdi qospaǵanda, tótenshe jaǵdai engizilgen kúnge deiin on eki ai ishinde mindetti áleýmettik saqtandyrý júiesine qatysýynyń bir de bir ai ótili joq adamdarǵa;
2. Ótinish bergen kúnine deiin deiin mindetti áleýmettik saqtandyrý júiesine qatysýynyń bir de bir ai ótili joq BJT tóleýshilerge;
3. Tótenshe jaǵdai engizilgen kúnge deiin on eki ai ishinde jinaqtaýshy zeinetaqy júiesine qatysýynyń bir de bir ai ótili joq AQS sharttar boiynsha kiris alatyn jeke tulǵalarǵa;
4. Eńbek nemese kásipkerlik qyzmetti (onyń ishinde qashyqtyqtan) jalǵastyrǵan nemese aqyly eńbek demalysy berilgen nemese jumys oryndarynyń birinde toqtap turý bolǵan jaǵdaida, kásipkerlik qyzmetti qosa alǵanda, eki nemese odan da kóp jumysty qosa atqaratyn adamdarǵa;
5. Eger bir mezgilde respýblikalyq biýdjetten nemese qordan tólenetin ai saiynǵy zeinetaqy men áleýmettik tólemderdi alýshylar bolyp tabylsa, tótenshe jaǵdai engizilgennen keiin BJT-ny alǵash ret tólegen adamdarǵa;
6. Qazaqstan Respýblikasynan tys jerge turaqty turýǵa ketýine bailanysty ishki ister organdarynda tirkeýden shyǵarylǵan adamdarǵa;
7. Tolyq memlekettiń qamsyzdandyrýyndaǵy qylmystyq-atqarý júiesiniń mekemelerindegi adamdarǵa.
Tólemderdi júzege asyrý úshin bank jáne bank shotynyń nómiri týraly málimetter avtomattandyrylǵan rejimde budan buryn qalyptastyrylǵan IEM-ge engiziledi. IEM-di kórsetilgen málimettermen tolyqtyrý týraly aqparat avtomatty túrde qordyń filialy men Memlekettik korporatsiiaǵa jiberiledi.
