Qazaqstanda Mindetti áleýmettik saqtandyrý qorynan beriletin tólemge ótinish berýge arnalǵan qosymsha servis iske qosyldy, dep habarlaidy "Ult aqparat".
«Prezident Ákimshiliginiń tapsyrmasy boiynsha QR Eńbek jáne halyqty áleýmettik qorǵaý ministrligi Prezident Ákimshiligi janyndaǵy quramyna IT-sarapshylary men IT-kompaniialary kiretin IT-shtabymen birlesip, QR Tsifrlyq damý, innovatsiialar jáne aeroǵarysh ónerkásibi ministrliginiń kómegimen tótenshe jaǵdai kezeńinde tabysynan aiyrylýǵa bailanysty Memlekettik áleýmettik saqtandyrý qorynan (budan ári – MÁSQ) beriletin tólemderge ótinishter berý úshin servis qurdy», - delingen Eńbek ministrligi taratqan aqparatta.
Vedomstvo málimetinshe, servis Enbek.kz elektrondyq eńbek birjasynyń alańynda ashyldy.
MÁSQ-tan eń tómengi jalaqy – 42 500 teńge mólsherinde tólemge ótinish berý úshin kelesi qadamdardy oryndaý qajet:
1) https://42500.enbek.kz saityna kirińiz;
2) «járdemaqy alý 42 500» tańdańyz;
3) ótinish berýshiniń aty-jóni, JSN, IBAN nemese jumys berýshiniń BSN, elektrondy poshtasy kórsetilgen nysandy (forma) toltyryńyz;
4) nysandy (forma) jiberý kerek;
5) júie telefon nómirin suraidy;
6) telefon nómirin SMS arqyly jiberilgen kodpen rastaý;
7) ótinish jiberildi.
Ótinishti óńdep, «Azamattarǵa arnalǵan úkimet» memlekettik korporatsiiasy» KEAQ derekterin teksergennen keiin, ótinish berýshi qabyldanǵan sheshim týraly SMS-habarlama alady. Aqparat tólemdi taǵaiyndaý jáne tóleý úshin MÁSQ-qa jiberiledi.
Esterińizge sala keteiik, tótenshe jaǵdailar kezinde tabysynan aiyrylý jaǵdaiyna bailanysty MÁSQ-tan áleýmettik tólem kelesi sanattaǵy azamattarǵa taǵaiyndalady:
- orta, shaǵyn jáne mikrobiznes sýbektileriniń qyzmetkerleri;
- jeke kásipkerler (budan ári – JK);
- jeke praktikamen ainalysatyn adamdar (notariýs, jeke sot oryndaýshysy, advokat, kásibi mediator) (budan ári – JP);
- biryńǵai jiyntyq tólemdi tóleýshiler;
- nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sipattaǵy sharttar (budan ári – AQS) boiynsha tabys tabatyn, salyq agentteri olar úshin mindetti zeinetaqy jarnalaryn aýdarǵan adamdar;
- karantin engizilgen eldi mekenderdegi iri biznes sýbektileriniń qyzmetkerleri.
Ótinimderdi qarastyrýdyń jáne áleýmettik tólemderdi taǵaiyndaýdyń jalpy merzimi – 3 jumys kúni.
