Egov.kz, 42500.enbek.kz jáne homebank.kz portaldarynda Memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵaiyndaýǵa ótinish qabyldaý bastaldy. Bul jóninde Eńbek jáne halyqty áleýmetitk qorǵaý ministrliginiń baspasóz qyzmeti habarlady.
42500.enbek.kz portaly arqyly bir ýaqytta ótinimdi 75 myńǵa deiin azamat bere alady.
Buǵan deiin habarlanǵandai, azamattarǵa yńǵaily bolý úshin ótinimderdi qabyldaý kezeń-kezeńmen júzege asyrylady.
16 shildeden bastap biryńǵai jiyntyq tólemdi tóleýshiler bolyp tabylatyn adamdar úshin sms-habarlamalardy jiberý arqyly birjolǵy tólemdi taǵaiyndaý boiynsha proaktivti qyzmet kórsetý júzege asyrylady. Osy sanattaǵy, proaktivti qyzmetti paidalanbaǵan azamattar úshin ótinimderdi qabyldaý proaktivti qyzmetti kórsetý aiaqtalǵannan keiin júzege asyrylady.
17 shildede jeke kásipkerlerden, azamattyq-quqyqtyq sipattaǵy sharttar boiynsha tabys alatyn adamdardan jáne jeke praktikamen ainalysatyn adamdardan ótinimder qabyldaý bastaldy.
Óz qyzmetkerlerine ótinim beretin jumys berýshiler (zańdy jáne jeke tulǵalar) úshin ótinim qabyldaý 19 shildede bastalady.
Esterińizge sala keteiik, 700 myń qazaqstandyq 42 500 teńgeni proaktivti túrde taǵaiyndaý úshin SMS-habarlama alǵan bolatyn.
Kelesi arnalardy paidalana otyryp, ótinish berýge bolady:
- egov.kz – «elektrondyq úkimet» veb-portaly;
- 42500.enbek.kz portaly;
- telegram-bot-tar;
- Aitu messendjerindegi 42500.enbek.kz qosymshasy;
- ekinshi deńgeidegi bankterdiń mobildi qosymshalary men internet-resýrstary.Ótinim qabyldaý 2020 jyldyń 1 qyrkúiegine deiin jalǵasady.
