Eńbek jáne halyqty áleýmettik qorǵaý ministrligi 42 500 teńge boiynsha 330 myńnan astam suraqqa túsindirme berdi, dep habarlaidy "Ult aqparat".
QR Eńbek jáne halyqty áleýmettik qorǵaý ministrligi jáne onyń vedomstvolyq baǵynysty uiymdary tótenshe jaǵdai kezeńinde tabysynan aiyrylǵandarǵa Memlekettik áleýmettik saqtandyrý qorynan 42 500 teńge taǵaiyndaýǵa qatysty azamattardyń 338 myń ótinishine túsindirme berdi.
13 mamyrdaǵy jaǵdai boiynsha halyqpen bailanystyń barlyq arnalary arqyly Eńbekminine jáne vedomstvolyq baǵynysty uiymdaryna azamattardan 42 500 teńge taǵaiyndaýǵa jáne tóleýge qatysty 696,4 myń ótinish kelip tústi.
Osylaisha, 42500@enbek.kz elektrondyq adresine 571,1 myń ótinish tústi. Onyń ishinde Eńbek resýrstaryn damytý ortalyǵynyń qyzmetkerleri 241,6 myń ótinishke jaýap berdi.
42500@gfss.kz elektrondyq adresine 108 myń ótinish tústi. Onyń ishinde Memlekettik áleýmettik saqtandyrý qorynyń qyzmetkerleri 76,4 myń ótinishke jaýap berdi.
Basqa bailanys arnalary arqyly MÁSQ-qa 7,1 myń ótinish kelip tústi, onyń ishinde 6,3 myńyna jaýaptar berildi.
Eńbekminine, onyń ishinde ministrdiń blogyna, Facebook jáne Instagram resmi akkaýnttaryna 10,1 myń ótinish kelip tústi, onyń 7,1 myńyna jaýap berildi.
Sonymen qatar, Eńbekmin qyzmetkerleri koronavirýs boiynsha ótinishterdi qabyldaý ortalyǵyna kelip túsken 6,6 myń ótinishke jaýap berdi.
Sondai-aq, «Azamattarǵa arnalǵan úkimet» memlekettik korporatsiiasy» KEAQ-nyń «1411» áleýmettik-eńbek salasy máseleleri jónindegi bailanys ortalyǵynda 1-13 mamyr aralyǵynda «42 500 teńge» tóleý máseleleri boiynsha azamattardyń 58,1 myń ótinishine túsinikteme berildi.
Osy baǵyttaǵy jumys jalǵasýda.
