42 500 teńge áleýmettik tólemi taǵaiyndalmaǵan azamattardyń ótinishterin qaita qaraý tártibi bekitildi, – dep habarlaidy Eńbek ministrliginiń baspasóz qyzmeti.
«42 500 teńge» tólemi taǵaiyndalmaǵanmen kelispeitin azamattardyń ótinishterine bailanysty Qazaqstan Respýblikasynyń Eńbek jáne halyqty áleýmettik qorǵaý ministrligi tótenshe jaǵdai kezeńinde tabysynan aiyrylýyna bailanysty Memlekettik áleýmettik saqtandyrý qorynan tólemder taǵaiyndaý qaǵidalaryna joǵaryda kórsetilgen tólem taǵaiyndalmaǵan azamattardyń ótinishterin qaraý algoritmin retteitin túzetýler engizdi», - delingen ministrlik habarlamasynda.
Buryn «42 500 teńge» áleýmettik tólemin taǵaiyndaýdan bas tartý týraly sheshim qabyldanǵan ótinishterdi qaita qaraý úshin aýdandyq (qalalyq) shtabqa rastaityn qujattarmen qosa tiisti ótinish berý qajet.
Ótinish beriledi: Jumys berýshi tarapynan – ShOB, iri kásipkerlik (karantin engizilgen óńirlerde), kommertsiialyq emes zańdy tulǵalar úshin. Bul rette ótinish tek áleýmettik tólem taǵaiyndaýdan bas tartý (toqtatý) týraly sheshim qabyldanǵan qyzmetkerler úshin beriledi.
Óz betinshe – áleýmettik tólemdi taǵaiyndaýdan bas tartý (toqtatý) týraly sheshim qabyldanǵan jeke kásipkerler, jeke praktikamen ainalysatyn adamdar, BJT tóleýshiler, azamattyq-quqyqtyq sipattaǵy sharttar boiynsha jumys isteitin adamdar.
Rastaityn qujattar tizbesi: Qyzmetkerleri úshin qujattar beretin jumys berýshiler úshin:
- jalaqysy saqtalmaityn demalysqa jiberý týraly buiryqtar;
- jumys berýshiniń TJ kezeńinde kirisin joǵaltý faktisin rastaityn qujattar (banktik shottardan úzindilerdi qosa alǵanda, qarjylyq jáne ózge de eseptilik, býhgalterlik balans jáne basqa qujattar);
- memlekettik kirister organdary qabyldaǵan deklaratsiia (MKK-men salystyrý úshin, 200-nysan).
JK jáne jeke praktikamen ainalysatyn adamdar úshin:
- memlekettik kirister organdary qabyldaǵan deklaratsiia (MKK-men salystyrý úshin, 200-nysan);
- tabystyń joǵaltý faktisin rastaityn qujattar (banktik shottardan úzindilerdi qosa alǵanda, qarjylyq jáne ózge de eseptilik, býhgalterlik balans jáne basqa da qujattar).
AQS sharttar boiynsha jumys isteitin adamdar úshin: - zańdy tulǵamen jasalǵan jumystardy oryndaýǵa (qyzmet kórsetýge) arnalǵan AQS sharty. Usynylǵan qujattardy qaraǵannan keiin aýdandyq (qalalyq) shtab «42 500 teńge» áleýmettik tólemin taǵaiyndaýǵa quqyǵy bar/joǵy týraly qorytyndy shyǵarady.
Oń qorytyndy «Azamattarǵa arnalǵan úkimet» memlekettik korporatsiiasy» KEAQ bólimshesine beriledi, ol «Ótinish berýshiniń elektrondyq is maketin» qalyptastyrady jáne derekterdi MÁSQ filialyna beredi. MÁSQ filialy áleýmettik tólem taǵaiyndaý nemese taǵaiyndaýdan bas tartý týraly sheshim qabyldaidy.
Aýdandyq (qalalyq) shtabtyń qorytyndysymen nemese MÁSQ filialynyń sheshimimen kelispegen jaǵdaida, ótinish berýshi rastaityn qujattarmen aýdandyq (qalalyq) shtabtyń jumys organy arqyly oblystyq (qalalyq) shtabqa júginedi.
Oblystyq (qalalyq) shtab «42 500 teńge» áleýmettik tólemin taǵaiyndaý quqyǵynyń bar/joǵy týraly qorytyndy shyǵarady. Oń qorytyndy «Azamattarǵa arnalǵan úkimet» memlekettik korporatsiiasy» KEAQ bólimshesine jáne odan ári MÁSQ filialyna beriledi.
Karantin talaptaryn eskere otyryp, adamdardyń jappai jinalýyna jol bermeý maqsatynda ótinishter 2020 jylǵy 1 jeltoqsanǵa deiin qaralatyn bolady.
