Aqtóbede memlekettik grant alyp berýge ýáde etip, 400 myń teńgeni iemdengen kúdikti anyqtaldy, dep habarlaidy ult.kz.
Polisia.kz málimetinshe, politsiiaǵa 35 jastaǵy qala turǵyny alaiaqtyq faktisi boiynsha aryzdanǵan. Onyń aitýynsha, biyl sáýir aiynda kofehanalardyń birinde tanysy memlekettik baǵdarlama aiasynda grant rásimdeýge kómektesetinin aityp, qyzmeti úshin aqshalai syiaqy suraǵan.
Ýádege sengen azamat oǵan 400 myń teńge bergen. Alaida kúdikti aitqan qyzmetin oryndamai, aqshany da qaitarmaǵan.
Jedel-izdestirý sharalary barysynda tártip saqshylary 32 jastaǵy kúdiktini anyqtap, politsiia bólimine jetkizdi. Aldyn ala málimet boiynsha, ol alynǵan qarajatty jeke qajettilikterine jumsaǵan.
Atalǵan fakti boiynsha alaiaqtyq belgilerimen sotqa deiingi tergep-tekserý amaldary júrgizilip jatyr.
Politsiia azamattardy saq bolýǵa shaqyryp, memlekettik granttardy, sýbsidiialardy nemese ózge de qoldaý sharalaryn aqshaǵa rásimdep berýge ýáde etetin adamdarǵa senbeýge keńes berdi. Memlekettik granttar tek zańnamada belgilengen tártippen jáne ýákiletti memlekettik organdar arqyly beriledi.
