13 mamyrda Aqtaýda QR Ǵylym jáne joǵary bilim ministrligi men Mańǵystaý oblysynyń ákimdigi uiymdastyrǵan óńir talapkerlerine arnalǵan joǵary bilimniń aýqymdy kórmesi bastaldy.
Kórmede Qazaqstannyń túrli qalalarynan 40-tan astam jetekshi JOO óz ýniversitetterin tanystyryp, bilim berý baǵdarlamalary týraly aityp berdi. Kórme jumysy barysynda JOO ókilderi talapkerler men olardyń ata-analarynyń qabyldaý naýqandary, ýniversitettiń halyqaralyq yntymaqtastyǵy jáne akademiialyq utqyrlyq baǵdarlamasynyń múmkindikteri, stýdenttik ómir jáne t. b. týraly suraqtaryna jaýap berdi.
Kórmeniń birinshi kúni 3000-ǵa jýyq Aqtaý qalasynyń mektep jáne kolledj túlekteri keldi. Barlyq niet bildirýshiler bolashaq mamandyqty jáne oqyǵysy keletin joǵary oqý ornyn tańdaýǵa qatysty suraqtaryna qoidy. Sondai-aq, kórme qonaqtary halqy tyǵyz ornalasqan jáne batys óńirlerdegi jastarǵa arnalǵan nysanaly bilim berý granttary sheńberinde oqýǵa túsý tártibi jáne tegin oqý múmkindigi týraly qajetti aqparat ala aldy.
«Bilim berý grantynyń bul túri 2022 jyly alǵash ret QR Prezidenti Qasym-Jomart Toqaevtyń tapsyrmasy boiynsha anyqtaldy. Bul Atyraý jáne Mańǵystaý oblystarynyń mektep túlekterine elimizdiń jetekshi joǵary oqý oryndarynda oqý úshin maqsatty granttar alýǵa múmkindik berdi», - dep atap ótti QR Ǵylym jáne joǵary bilim ministriniń keńesshisi Rýslan Emelbaev.
Kórme aiasynda QR ǴJBM joǵary jáne joǵary oqý ornynan keiingi bilim komiteti tóraǵasynyń orynbasary Aqerke Abylaihan is-shara qonaqtaryna 2024-2025 oqý jylyna Mańǵystaý jáne Atyraý oblystary jastaryna 3 200 grant bólingenin aitty.
«Biyl biz sizdi birqatar jaqsy jańalyqtarmen qýantqymyz keledi. Atap aitqanda, daiyndyq baǵyttarynyń tizimi keńeitildi, olar pedagogikalyq jáne gýmanitarlyq, IT, áleýmettik, ekonomikalyq, injenerlik mamandyqtar, quqyq, óner jáne qyzmet kórsetý. Sondai-aq, kolledj túlekteri qysqartylǵan bilim berý baǵdarlamalary boiynsha granttar konkýrsyna qatý múmkindigine ie. Maqsatty bilim berý granttary negizinde Mańǵystaý jáne Atyraý oblystarynyń talapkerleri elimizdiń 40 - tan astam jetekshi joǵary oqý oryndarynda bilim ala alady», - dep atap ótti Aqerke Abylaihan.
Kórme aiasynda talapkerlerdi kásiptik baǵdarlaý boiynsha «Granttardyń túrleri jáne talapkerdiń jol kartasy» seminary jáne ata-analarǵa kásiptik baǵdarlaý boiynsha arnaiy seminar ótkizildi.
Kásiptik baǵdar berýshiler UBT-2024, mamandyq tańdaý, bilim berý granttary boiynsha oblys túlekterine aqparattyq-túsindirý jumystaryn júrgizdi, sondai-aq talapkerler men olardyń ata-analarynyń suraqtaryna jaýap berdi. Keńes berýden basqa, qonaqtar úshin utys oiyndary men viktorinalar ótkizildi. Qatysýshylar mektep pánderi boiynsha túrli suraqtarǵa jaýap berdi.
Kórme 14 mamyrda Aqtaý qalasynda óz jumysyn jalǵastyrady. Sondai-aq, 14 mamyrda 20-dan astam JOO ókilderi Jańaózen qalasynda ótetin kórmege qatysady.
