Karantindik sharalardyń uzartylýyna bailanysty 3-16 tamyz aralyǵynda 7887 azamatqa múgedektik merzimi avtomatty túrde úsh aiǵa uzartyldy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń resmi saityna silteme jasap.
«Buǵan deiin karantin sharalaryna bailanysty 31 963 qazaqstandyqtyń múgedektik merzimi úsh aiǵa uzartylǵan bolatyn. Bul rette memlekettik járdemaqylardy tóleý buryn belgilengen múgedektik toby boiynsha júzege asyrylady.
Sonymen qatar, 16 naýryzdan 7 tamyzǵa deiin 13 509 qazaqstandyq múgedektikti «eGov.kz» portaly arqyly onlain-rejimde syrttai rásimdep, merzimin sozdy. Bul múmkindik avtomatty túrde uzartýmen qatar, memlekettik mekemelerde adamdardyń kóp jinalýyn boldyrmaý jáne koronavirýstyq infektsiiany juqtyrý qaýpin azaitý maqsatynda múgedektigi bar adamdarǵa berildi. SOVID-19 taralýyna bailanysty shekteý sharalarynyń engizilgen barlyq kezeń ishinde azamattar múgedektikti belgileý jáne kýálandyrýdan qaita ótý úshin elektrondyq formatta ótinish bere alady», - delingen habarlamada.
Sonymen qatar «eGov.kz» portaly arqyly 16 jáne 18 jasqa tolǵan múgedek balalardy syrttai qaita kýálandyrýǵa bolady. Olarǵa múgedektigin rastaityn qujattar negizinde jáne aldyńǵy kýálandyrýǵa sáikes múgedektik dárejesin eskere otyryp belgilenedi.
Esterińizge sala keteiik, aǵymdaǵy jyldyń shildesinde shekteý sharalarynyń engizilýine bailanysty tabysynan aiyrylǵan 2 mln 257,3 myń qazaqstandyqqa Memlekettik áleýmettik saqtandyrý qorynan 42 500 teńge kóleminde tólem berilgen bolatyn. Al tamyz aiynda karantinniń uzartylýyna orai, 2 mln 241,6 myń adam 21 250 myń teńge mólsherindegi birjolǵy tólem aldy.
