Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qoǵam

40 gastarbaiter Qazaqstannan shyǵaryldy

Ult portaly
40 gastarbaiter Qazaqstannan shyǵaryldy

Foto: Polisia.kz

40 gastarbaiter Qazaqstannan shyǵaryldy, - dep habarlaidy "Ult aqparat" Polisia.kz saityna silteme jasap. 

Almatynyń kóshi-qon politsiiasy mundai sandardy "Nelegal" is-sharasynyń 3 kúndik qorytyndysy boiynsha keltirip otyr. Bólimniń málimetinshe, QR kóshi-qon zańnamasyn buzýdyń 405 deregi anyqtalsa, onyń 281-in shetel azamattary jasaǵan.

"Sondai-aq sheteldikterdiń elimizde bolýynyń zańdylyǵyn qamtamasyz etý sharalaryn qoldanbaǵany úshin 115 adam ákimshilik jaýapkershilikke tartylǵanyn aita ketken jón. Jumys berýshi 9 otandasymyz sheteldik jumys kúshin tartý tártibin buzǵan. PD-nyń qabyldap-taratýyna jeke basyn kýálandyratyn qujaty joq 192 sheteldik ornalastyryldy. Sonymen qatar is-shara barasynda zańsyz kóshi-qon arnalaryn uiymdastyrý boiynsha 5 qylmystyq is tirkeldi", - dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchinov.


Eske salaiyq, keshe, 23 maýsymda Qazaqstannyń 63 azamatyna qatysty kóshi-qon zańnamasyn buzǵany úshin ákimshilik hattamalar toltyryldy, sondai-aq sheteldik jumys kúshin zańsyz tartqany úshin 11 azamatqa aiyppul salynǵany habarlanǵan bolatyn. Qabyldaǵysh-distribiýtorǵa oblys aýmaǵynda qujattary joq 22 sheteldik ornalastyryldy. Sot sheshimimen toǵyz sheteldik elden májbúrlep shyǵaryldy. Olardyń tirkeý merzimi ótip ketken.

Sonymen qatar, tártip saqshylary Atyraý oblysynda eki jyldan astam vizasyz turyp, qurylys alańdarynda jumys istegen 48 jastaǵy Túrkiia azamatyn anyqtady. Ol birneshe kún buryn Oralǵa týysynyń úilený toiyna kelgende ustaldy. Oǵan qatysty ákimshilik hattama jasalyp, el aýmaǵynan shyǵarý týraly sot sheshimi shyǵaryldy. Reseidiń taǵy eki azamaty mas kúiinde kólik júrgizgeni úshin ustaldy, olar da ákimshilik jaýapkershilikke tartyldy.

Oqi otyryńyz