QR Premer-Ministri Asqar Maminniń tóraǵalyǵymen ótken Úkimet otyrysynda QR Prezidenti Qasym-Jomart Toqaevtyń biylǵy 10 shildedegi Úkimettiń keńeitilgen otyrysynda bergen tapsyrmalaryn oryndaý jónindegi sharalar qaraldy. Elimizdiń agroónerkásip keshenindegi qazirgi jaǵdai týraly aýyl sharýashylyǵy ministri Saparhan Omarov baiandady, dep habarlaidy "Ult aqparat" primeminister.kz saityna silteme jasap.
Áleýmettik mańyzy bar azyq-túlik taýarlaryna baǵanyń ósýin boldyrmaý maqsatynda Aýyl sharýashylyǵy ministrligi ishki naryqty molyqtyrý boiynsha josparly jumys júrgizýde. Import almastyrýdy eskere otyryp, investitsiialyq jobalardy iske asyrý jóninde jospar ázirlendi.
Saqtaý infraqurylymy boiynsha qazir respýblikada 27 mln tonna saqtaý syiymdylyǵy, onyń ishinde 189 litsenziialanǵan astyq qabyldaý kásiporny bar.
Alaida, ministrdiń aitýynsha, shaǵyn jáne orta fermerlerge arnalǵan 10 myń tonnaǵa deiingi kishigirim astyq qoimalarynyń máselesin sheshý kerek. Mundai tájiribe AQSh pen Kanadada bar, Qazaqstan da bul baǵytta memlekettik qoldaý sharalaryn engizýdi josparlap otyr.
Sonymen qatar maýsymaralyq kezeńde qazirgi zamanǵy kókónis saqtaý oryndary men jemis saqtaý oryndary jetispeidi. Bul úshin zamanaýi saqtaý oryndaryn salýǵa jeńildetilgen nesie berý jáne investitsiialyq sýbsidiialaý júzege asyrylýda.
«Agroónerkásiptik keshenniń eksporttyq áleýetin iske asyrýǵa qatysty syrtqy naryqtardyń koniýnktýrasy zertteledi. Kólik shyǵyndaryn sýbsidiialaýmen qatar, eksporttyq ónimdi sertifikattaýǵa jumsalǵan shyǵynǵa ótemaqy engizý, sondai-aq otandyq aýyl sharýashylyǵy ónimin ilgeriletýdiń jańa tiimdi marketingtik quraldaryn engizý pysyqtalady. Importtaýshy elderdiń naryqtaryna egjei-tegjeili sholý jasai otyryp, «eksporttyq gidterdiń» úlgilik júiesin engizý josparlanyp otyr», — dedi S. Omarov.
Aýyl sharýashylyǵy ónimin óńdeýde biryńǵai saiasatty qalyptastyrý úshin tiisti fýnktsiialar men qajetti shtat sanyn eskere otyryp, Aýyl sharýashylyǵy ministrliginiń quramynda Tamaq jáne óńdeý ónerkásibi komitetin qurýdy usynylady.
Sondai-aq Agroónerkásiptik keshendi damytýdyń kelesi kezeńge arnalǵan jańa memlekettik baǵdarlamasynyń tujyrymdamasynda Shikizat jáne óńdeý salalaryn damytý jóninde biryńǵai tásildeme qarastyrylady.
Jer máselelerine qatysty Aýyl sharýashylyǵy ministrligi Prezident Ákimshiligi Qaýipsizdik Keńesiniń taldamalyq tobymen birlese otyryp, aýyl sharýashylyǵy maqsatyndaǵy jerlerdi paidalanýdyń álemdik tájiribesine taldaý jasady. Keńinen talqylaýǵa shyǵarylatyn birqatar usynys ázirlendi.
«4 óńirde ǵaryshtyq monitoring boiynsha pilottyq joba iske asyrylýda. Pilottyq jobanyń jaiylymdyq alqaptar boiynsha birinshi kezeńi aiaqtaldy, jyrtylǵan jerler boiynsha ekinshi kezeń bastaldy, ol jyl sońyna deiin aiaqtalady», — dep málimdedi ministr.
Jer qatynastary salasyn tsifrlandyrý jónindegi zań jobasynyń tujyrymdamasy ázirlendi, ol jer ýchaskelerin elektrondyq formatta tikelei usynýdy kózdeidi. Talqylaý aiaqtalǵannan keiin Zań jobasy biylǵy 15 qyrkúiekke deiin Parlament Májilisine engiziledi.
Ministrdiń málimetinshe, jekelegen shekteýlerdi saqtaý múmkindigi jaǵdaiynda egin jinaýdy qamtamasyz etý maqsatynda biyl kóktemde synaqtan ótken Jumys algoritmi iske qosylady. Bul Algoritmge fermerlerdiń bógetsiz júrip-turýy, janar-jaǵar mai men qosalqy bólshekterdi jetkizýi, sondai-aq elektrondyq túrdegi jáne qaǵaz formattaǵy arnaiy ruqsattary kiredi.
«Egin jinaý naýqanyna qajetti tehnikany daiyndaý jumysy bastaldy, jappai jumystardy bastaýǵa daiyndyq 100%-dy quraidy. Elevatorlar men astyq qoimalarynyń materialdyq-tehnikalyq bazasyn daiyndaý jumystary júrgizilýde», — dep túiindedi S. Omarov.
