Almaty oblysynda balalardy kólik qaǵyp ketý oqiǵasy boiynsha isi sotqa joldandy. Bul týraly "Ult aqparat" oblystyq prokýratýraǵa silteme jasap habarlaidy.
Aǵymdaǵy jyldyń 2 naýryzynda Almaty oblysy Eńbekshiqazaq aýdanynyń aýmaǵynda 54 jastaǵy júrgizýshi mas kúiinde 8-9 jastaǵy 4 oqýshyny qaǵyp ketti. Jol-kólik oqiǵasy nátijesinde 3 qyz emdeý mekemesine jatqyzyldy. Keiin, alǵan jaraqattardan ekeýi qaitys boldy.
«Bul fakti boiynsha Qylmystyq kodekstiń 345-1-baby 4-bóligimen (Abaisyzda eki nemese odan da kóp adamnyń ólimine ákep soqqan alkogoldik masań kúide kólik quralyn júrgizý) sotqa deiingi tergeý bastaldy, atalǵan bappen eń joǵarǵy jaza 10 jylǵa deiin bas bostandyǵynan aiyrý kózdelgen», - delingen habarlamada.
Avtokólik quralynyń júrgizýshisi qamaýǵa alyndy, barlyq qajetti tergeý áreketteri men saraptamalyq zertteýler júrgizilip, tergeý protsesstik merzimde aiaqtaldy.
28 sáýirde Eńbekshiqazaq aýdanynyń prokýratýrasy aiyptaý aktisimen qylmystyq isti máni boiynsha qaraý úshin sotqa joldady.
Sondai-aq, bul is boiynsha tergeýdi Prezident Qasym-Jomart Toqaev óz baqylaýyna alǵan bolatyn.
