4 naýryz kúni Qazaqstannyń basym bóliginde Soltústik-Batys tsiklonynyń ótýimen qubylmaly aýa raiy saqtalyp, jańbyr men qar túrinde jaýyn-shashyn bolady. Elimizdiń ońtústiginde qatty jaýyn-shashyn kútiledi, kei jerlerde tuman, kóktaiǵaq, jeldiń kúsheiýi, burqasyn boljanady, dep habarlaidy "Ult aqparat" «Qazgidromet» RMK-ǵa silteme jasap.
Atap aitqanda, Qostanai oblysynda 15-20 m/s ekpinde jel turyp, kúshi 23 m/s artady. Kei jerlerde tuman, kóktaiǵaq, burqasyn kútiledi.
Túnde Aqmola, Pavlodar oblystarynyń kei jerlerinde, kúndiz basym bóliginde 15-20 m/s jyldamdyqta jel bolady. Kúndiz ekpini 23 m/s kúsheiedi, jekelegen aýmaqtarda jaiaý burqasyn boljanady. Aqmola oblysynyń kei jerlerinde, kúndiz Pavlodar oblysynyń kei jerlerinde kóktaiǵaq kútiledi.
Soltústik Qazaqstan oblysynyń túnde kei jerlerinde, kúndiz basym bóliginde 15-20 m/s kúshpen jel soǵady, kúndiz ekpini 25 m/s jetedi. Jekelegen aýmaqtarda tuman, burqasyn, kúndiz kóktaiǵaq kútiledi.
Aqtóbe oblysynyń kei jerlerinde jaiaý burqasyn, tuman, kóktaiǵaq kútiledi, jel 15-20 m/s kúsheiedi.
Jambyl, Qyzylorda, Atyraý oblystarynyń kei jerlerinde tuman, kóktaiǵaq kútiledi, 15-20 m/s ekpinde jel turady. Jambyl oblysynda jeldiń kúshi 23 m/s artady.
Qaraǵandy, Shyǵys Qazaqstan oblystarynyń kei jerlerinde tuman kútiledi, jel 15-20 m/s kúsheiedi, kúndiz jekelegen aýmaqtarda kóktaiǵaq bolady. Qaraǵandy oblysynyń kei jerlerinde jaiaý burqasyn bolady.
Almaty, Túrkistan, Batys Qazaqstan oblystarynyń kei jerlerinde tuman, kóktaiǵaq kútiledi, kúndiz kei jerlerinde jel 15-20 m/s kúsheiedi. Túnde jáne tańerteń Mańǵystaý oblysynyń kei jerlerinde kóktaiǵaq kútiledi, kúndiz jel 15-20 m/s artady.
