QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda elimizdegi epidemiologiialyq jaǵdai qaraldy. Respýblikada dári-dármekpen qamtamasyz etý týraly «SQ-Farmatsiia» JShS basqarma tóraǵasy Erhat Esqaliev baiandady, dep habarlaidy primeminister.kz saity.
Birinshiden, óńirler pandemiia kezinen bastap 16,6 mlrd teńge somasyna COVID-19 boiynsha DZ qosymsha qajettiligin málimdegen. 2020 jylǵy 22 shildeden bastap Biryńǵai distribiýtor QR boiynsha barlyq meditsinalyq uiymdarda (infektsiialyq jáne provizorlyq ortalyqtar) ailyq qordy qalyptastyrý týraly sheshim qabyldady, ol DZ jáne MI satyp alynǵan qosymsha kólem esebinen jedel tolyqtyrylady.
Bul shara meditsinalyq uiymdardyń shuǵyl qosymsha qajettiligin jabýǵa, COVID-19 boiynsha dárilik zattarmen statsionarlardy tolyqtyrýǵa, statsionarlarda rezervter qurýǵa jol ashty.
Ekinshiden, ambýlatoriialyq deńgeide preparattar tizbesi keńeitildi, DZ-nyń 5 ataýyn qamtityn COVID-19 nozologiiasy engizildi. PTR-test nátijelerine qaramastan, COVID-19 diagnozy qoiylǵan, alaida aýrý jeńil ótip jatqan patsientter tirkelgen jeri boiynsha óz emhanalarynda emdeýshi dárigerdiń taǵaiyndaýy boiynsha ystyqty tómendetetin dáriler men antikoagýlianttar ala alady.
TMKKK aiasynda halyqty qamtamasyz etý QR DSM buiryǵy shyqqannan keiin 2020 jylǵy tamyz aiynyń ortasynda bastaldy. Meditsinalyq uiymdardyń ótinimine sáikes shamamen 2 mlrd teńge somasyna 1 mln-ǵa jýyq adamdy qamtý kózdelgen.
2020 jylǵy 29 qyrkúiektegi jaǵdai boiynsha 4 myńnan astam qazaqstandyq 55 mln teńgege jýyq somaǵa tegin retsepttermen qamtamasyz etildi.
«Úshinshiden, maýsymdyq tumaýǵa qarsy vaktsinatsiia. Biryńǵai distribiýtor 2 199 990 doza mólsherinde Resei, Petrovaks Farm óndirisiniń Grippol Pliýs saýda ataýymen vaktsina satyp aldy. Kólem óńirlerdiń densaýlyq saqtaý basqarmalaryna jóneltildi. Halyqty vaktsinatsiialaý 2020 jylǵy 15 qyrkúiekten bastaldy», — dep málimdedi Erhat Esqaliev.
Tórtinshiden, COVID-19 boiynsha DZ eki ailyq qoryn qalyptastyrý (tómendetilmeitin qor).
Biryńǵai distribiýtor aiyna shamamen 60 000 patsientti statsionarlarda emdeý úshin 8,2 mlrd teńge somasyna COVID-19 boiynsha tapshy jáne suranysqa ie DZ 44 ataýyn satyp alýda.
Tómendetilmeitin Qordyń kólemi KVI ekinshi tolqyny oryn alatyn jaǵdaida qaýipsizdik «jastyǵyn» qalyptastyrý úshin QR DSM boljamy boiynsha ótinimderden tys satyp alynady. COVID-19 boiynsha DZ eki ailyq qorynyń kólemi Biryńǵai distribiýtordyń HAB-tarynda saqtalady.
2020 jylǵy 29 qyrkúiektegi jaǵdai boiynsha 6 mlrd teńgeden astam somaǵa DZ-nyń 37 ataýy satyp alyndy. Osylaisha, rezervti qurý 2020 jylǵy 28 tamyz ben 15 qazan aralyǵynda josparlanǵan.
Besinshiden, bólshek saýda jelisine aralasý úshin meditsinalyq úsh qabatty maskalar satyp alý.
«2020 jylǵy 18 qyrkúiekte 8 jetkizýshiden 10 mln meditsinalyq maska satyp alyndy, satyp alýǵa josyqsyz qatysýshylardyń tiziliminde bolýyna bailanysty 1 jetkizýshi qabyldanbady. Barlyq jetkizýshilerge 30% avans tólendi. Jaqyn arada “SQ-Farmatsiia” JShS habtaryna 2020 jylǵy 10 qazanǵa deiin jetkizý kestege sáikes júzege asyrylady», — dep atap ótti «SQ-Farmatsiia» JShS basqarma tóraǵasy.
Altynshy, bólshek saýda jelisine aralasý úshin dári-dármekterdi satyp alý.
№468 Qaýlyǵa sáikes «SQ-Farmatsiia» JShS-ne keiinnen bólshek saýda jelisinde satý úshin DZ-ny kóterme satyp alý boiynsha ókilettikter berilgen.
2020 jylǵy 14 qyrkúiekte Koronavirýs infektsiiasynyń taralýyna jol bermeý jónindegi VAK oblystardyń, Nur-Sultan, Almaty jáne Shymkent qalalarynyń ákimderine biylǵy 15 qyrkúiekke deiin belgilengen tártippen bólshek saýdada ótkizý úshin satyp alynatyn dárilik zattarǵa «SQ-Farmatsiia» JShS-ne ótinim berý tapsyryldy.
Óńirler BFAQ portalynda 3,1 mlrd teńge somasyna ótinimder berdi. Búgingi tańda barlyq daiyndyq jumystary aiaqtaldy. Satyp alý rásimderi bastaldy. Qor 15.10.2020 j. deiin BD qoimalarda qalyptastyrylady.
