Nur-Sultan qalasynda qazirgi tańda 4 myńnan astam adam shetelge barýdan bas tartqan. Týristik operatorlardyń olarǵa qaitaratyn qarajat kólemi shamamen 3 milliard teńgeni quraidy. Bul týraly Nur-Sultan qalasy ákimdiginde ótken onlain konferentsiiada aityldy, dep habarlaidy "Ult aqparat".
«Qazaqstandaǵy tótenshe jaǵdaiǵa bailanysty Kásipkerler palatasy janynan jedel shtab quryldy. Biz 1632 kásiporyn arasynda saýalnama júrgizdik. Sonyń qorytyndysy boiynsha, kásiporyndardyń 30%-y ǵana jumys atqaryp jatqany anyqtaldy», - deidi Nur-Sultan qalasy Kásipkerler palatasy direktorynyń ekonomikalyq máseleler jónindegi orynbasary Beisen Jolboldiev.
Onyń aitýynsha, jedel shtab úsh basty máselege erekshe nazar aýdarady.
«Jumysyn tolyq toqtatqan kásiporyndarǵa nazar aýdaramyz. Mysaly iri saýda oryndarynan oryn jaldaityn jeke kásipkerlerge bir aiǵa jalǵa alý aqysyn tólemei qoiýǵa bolatyn jeńildikter berildi. Degenmen, keibir saýda ortalyqtarynyń basshylary bank aldynda nesieleri bolǵandyqtan, mundai jeńildik bere almaityndaryn alǵa tartady. Olardy da túsinýge bolady. Osy boiynsha jumystar jalǵasýda. Ekinshiden, týrizm salasyna nazar aýdaramyz. Nur-Sultan qalasynda qazirgi tańda 4 myńnan astam adam shetelge barýdan bas tartqan. Týr-operatorlardyń olarǵa qaitaratyn qarajat kólemi shashamen 3 milliard teńgeni quraidy», - deidi ol.
