نۇر-سۇلتان قالاسىندا قازٸرگٸ تاڭدا 4 مىڭنان استام ادام شەتەلگە بارۋدان باس تارتقان. تۋريستٸك وپەراتورلاردىڭ ولارعا قايتاراتىن قاراجات كٶلەمٸ شامامەن 3 ميلليارد تەڭگەنٸ قۇرايدى. بۇل تۋرالى نۇر-سۇلتان قالاسى ەكٸمدٸگٸندە ٶتكەن ونلاين كونفەرەنتسييادا ايتىلدى, دەپ حابارلايدى "ۇلت اقپارات".
«قازاقستانداعى تٶتەنشە جاعدايعا بايلانىستى كەسٸپكەرلەر پالاتاسى جانىنان جەدەل شتاب قۇرىلدى. بٸز 1632 كەسٸپورىن اراسىندا ساۋالناما جٷرگٸزدٸك. سونىڭ قورىتىندىسى بويىنشا, كەسٸپورىنداردىڭ 30%-ى عانا جۇمىس اتقارىپ جاتقانى انىقتالدى», - دەيدٸ نۇر-سۇلتان قالاسى كەسٸپكەرلەر پالاتاسى ديرەكتورىنىڭ ەكونوميكالىق مەسەلەلەر جٶنٸندەگٸ ورىنباسارى بەيسەن جولبولديەۆ.
ونىڭ ايتۋىنشا, جەدەل شتاب ٷش باستى مەسەلەگە ەرەكشە نازار اۋدارادى.
«جۇمىسىن تولىق توقتاتقان كەسٸپورىندارعا نازار اۋدارامىز. مىسالى ٸرٸ ساۋدا ورىندارىنان ورىن جالدايتىن جەكە كەسٸپكەرلەرگە بٸر ايعا جالعا الۋ اقىسىن تٶلەمەي قويۋعا بولاتىن جەڭٸلدٸكتەر بەرٸلدٸ. دەگەنمەن, كەيبٸر ساۋدا ورتالىقتارىنىڭ باسشىلارى بانك الدىندا نەسيەلەرٸ بولعاندىقتان, مۇنداي جەڭٸلدٸك بەرە المايتىندارىن العا تارتادى. ولاردى دا تٷسٸنۋگە بولادى. وسى بويىنشا جۇمىستار جالعاسۋدا. ەكٸنشٸدەن, تۋريزم سالاسىنا نازار اۋدارامىز. نۇر-سۇلتان قالاسىندا قازٸرگٸ تاڭدا 4 مىڭنان استام ادام شەتەلگە بارۋدان باس تارتقان. تۋر-وپەراتورلاردىڭ ولارعا قايتاراتىن قاراجات كٶلەمٸ شاشامەن 3 ميلليارد تەڭگەنٸ قۇرايدى», - دەيدٸ ول.
