Qarjy monitoringi agenttigi Memleket basshysynyń tapsyrmasyn oryndaý maqsatynda munai ónimderin shetelge eksporttaý shemalarynyń jolyn kesý boiynsha belsendi jumysty jalǵastyrýda, - dep habarlaidy "Ult aqparat" vedomstvonyń baspasóz qyzmetine silteme jasap.
Jyl basynan beri QMA 4 milliard teńgege jalpy kólemi 20 myń tonna munai ónimderiniń zańsyz ainalymy deregi boiynsha 35 qylmystyq is qozǵaǵan.
"Bul derekter boiynsha sotaldy tergeý aiasynda janar-jaǵarmaidyń shyǵý kózderi men onyń ainalymyna qatysy bar tulǵalar anyqtalyp jatyr.
Óńirlerde shekara qyzmeti jáne memlekettik kiris organdarymen ózara is-qimyl jolǵa qoiylyp, birlesken jumys josparlaryna qol qoiyldy", - delingen habarlamada.
