Áleýmettik tólem 4 millionnan astam azamatqa berildi. Bul týraly «Habar 24» telearnasynyń tikelei efirinen QR Aqparat jáne qoǵamdyq damý ministri Dáýren Abaev aitty, dep habarlaidy "Ult aqparat".
Áleýmettik tólemderge toqtalǵan ministr: «Memleket basshysy málimdegendei, búginge 4 millionnan astam azamatqa áleýmettik járdem berildi. Mysaly, Almaty oblysynda 620 myńnan asa, Túrkistan oblysynda 508 myń, Almaty qalasynda 412 myń adam osyndai tólem alǵan», - dedi.
Budan buryn habarlanǵandai, Qazaqstan Prezidenti Qasym-Jomart Toqaev halyqqa úndeý joldady.
«Taǵy da qaitalap aitamyn: qazirgidei kúrdeli kezde árbir azamat bizdiń nazarymyzda bolady. Memleket eshkimdi qiyndyqta qaldyrmaidy. Men tótenshe jaǵdai kezeńinde azamattarymyzǵa qoldaý kórsetýge arnalǵan sharalardyń eki toptamasyn jariia ettim. Bul sharalar barynsha júzege asyrylýda. Qoǵam tarapynan aitylǵan oryndy syn-pikirler de bar. Ony eskeremiz. Búgingi kúni 4 million 250 myń azamatqa qarjylai kómek kórsetildi», - dedi Memleket basshysy.
