Pavlodarda 4 mamyrdan bastap 30 myńnan astam adam jumysyna oralady, dep habarlaidy "Ult aqparat".
«Jaqyn arada karantindi jeńildetýdiń ekinshi kezeńi bastalady. Sizderdiń kópshiligińiz ony kúttińizder, keibir nysandardyń ashylý merzimi týraly suradyńyzdar. Men sizderge 4 mamyrdan bastap Pavlodar oblysynyń 30 myń turǵyny jumysyna oralyp, óz biznesin qaita jandandyratynyn qýanyshpen málimdeimin», - dep jazdy obyls ákimi Ábilqaiyr Sqaqov Facebook paraqshasynda.
Sonymen, dúisenbiden bastap qysqartylǵan jumys kúni jáne aldyn ala jazylý boiynsha myna nysandar jumysyn bastaidy:
• Meditsina jáne optika ortalyqtary;
• Sulýlyq salondary;
• Aýmaǵy 500 sharshy metrge deiingi azyq-túlik satpaityn dúkender;
• Aqparattyq bailanys tehnologiialary ortalyqtary, jarnama, jyljymaityn múlik, qoima jáne logistika salasyndaǵy kompaniialar;
• Advokattar men notariýstar;
• Kishigirim qarjy uiymdary, saqtandyrý kompaniialary, lombardtar men i aiyrbastaý pýnkteri;
• Sýret salondary, gúl satatyn dúńgirshekter jáne basqalar. ⠀
Sonymen qatar, dalada sportpen ainalysýǵa ruqsat beriledi. Oblystyń bas memlekettik sanitar dárigeriniń qaýlysy BAQ-ta jariialanǵan.
«Qurmetti jerlester, karantin sharalarynyń jeńildetilýi óz densaýlyǵymyzǵa nemquraily qaraýǵa bolady degendi bildirmeidi. Burynǵydai barlyq sanitarlyq-epidemiologiialyq talaptardy saqtap, ózimiz ben jaqyndarymyzdy qorǵaýymyz kerek», - deidi oblys basshysy.
