QR Premer-Ministri Asqar Maminniń tóraǵalyǵymen QR Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiianyń kezekti otyrysy ótti, dep habarlaidy primeminister.kz saity.
Elimizdegi sanitarlyq-epidemiologiialyq jaǵdai týraly densaýlyq saqtaý ministri E. Birtanov, karantin jaǵdaiynda óńirlerdegi shekteý sharalaryn odan ári jeńildetý jónindegi usynystar týraly Premer-Ministrdiń orynbasary E. Toǵjanov baiandady.
Memlekettik komissiia óńirlerdiń ákimderiniń usynystaryn qarap, Densaýlyq saqtaý ministrliginiń pozitsiiasyn eskere otyryp, birqatar sheshim qabyldady.
1. Biylǵy 4 mamyrdan bastap barlyq óńirlerde jumysqa kirisetin kásipkerlik sýbektileriniń qyzmet túrleriniń tizimi bekitildi:
- aýmaǵy 500 sh. m. deiin bolatyn azyq-túliktik emes dúkender saǵat 17:00-ge deiin (barlyq túrleri);
- fotosalondar, gúl satatyn dúńgirshekter;
- shashtarazdar (jazylý boiynsha);
- meditsina ortalyqtary (jazylý boiynsha);
- stomatologiialyq klinikalar (jazylý boiynsha);
- jyljymaityn múlikpen operatsiialardy júzege asyratyn kompaniialar, jarnama agenttikteri, advokattar, notariýstar;
- shaǵyn qarjy uiymdary, saqtandyrý kompaniialary, lombardtar, aiyrbastaý pýnktteri;
- aqparattyq-kommýnikatsiialyq tehnologiialar kompaniialary.
2. Biylǵy 4 mamyrdan bastap dalada sportpen shuǵyldanyp, jattyǵý jasaýǵa ruqsat etiledi.
3. 4 mamyrdan bastap Nur-Sultan men Almatydan Qyzylordaǵa, Petropavlǵa, Óskemenge jáne Semeige áýe qatynastaryn qaita jandandyrý týraly sheshim qabyldandy. Reister sanitarlyq talaptardyń normalaryn kúsheitýmen, az jolaýshylarmen jáne salonda erekshe qashyqtyqty saqtap otyrǵyzý arqyly júzege asyrylady.
Óńirlerdiń ákimdikterine tiisti sharalar qabyldap, jumysqa kirisetin nysandarda sanitarlyq-epidemiologiialyq qaýipsizdikti qatań baqylaýdy qamtamasyz etý tapsyryldy.
Sonymen qatar otyrysqa qatysýshylar TJ kezinde iri investitsiialyq jobalardy iske asyrý, syrtqy saýda operatsiialaryn júrgizý jáne t.b. máselelerdi qarastyrdy.
