UQK Shekara qyzmeti 8 maýsym kúni Jambyl oblysyndaǵy «Qarasý» avtomobil ótkizý pýnktinde iri kólemdegi temeki ónimderin zańsyz alyp ótý áreketin anyqtady, dep habarlaidy ult.kz.
Júk kóliginiń jasyryn bólikterine jasyrylǵan 360 myń qorap temeki Qazaqstan aýmaǵyna kontrabandalyq jolmen ákelinbek bolǵan. Aldyn ala esep boiynsha, tárkilengen ónimniń quny 180 million teńgeden asady. Taýar tiisti tekserý úshin ýákiletti organǵa tapsyryldy.
UQK málimetinshe, jyl basynan beri temeki ónimderin zańsyz tasymaldaýdyń 93 faktisi toqtatylǵan. Tárkilengen kontrabandanyń jalpy quny 386 million teńgege jetken.
Aita keteiik, buǵan deiin Almaty áýejaiynda 21 keli marihýana ótkizbek bolǵan kúdikti ustalǵan bolatyn.
