Atyraýdyń eki turǵyny zańsyz oiyn biznesin uiymdastyrǵany úshin sottaldy. Bul týraly Qarjy monitoringtik agenttiktiń baspasóz qyzmeti habarlady.
Qumar oiyndar oiyn – bul saýyq emes, qaýipti aýrý. Jyl saiyn qumar oiyndarǵa táýeldi adamdardyń sany artyp keledi.
Mysaly, Qazaqstanda qumar oiynshylar sany 350 myńǵa jýyq. Olardyń kópshiligi jasóspirimder.
Memleket turaqty negizde zańsyz oiyn biznesine qarsy kúres júrgizedi, sol arqyly halyqty qumar oiyndardyń ziiandy áserinen qorǵap keledi.
Jedel-izdestirý is-sharalarynyń nátijesinde Atyraý oblysy boiynsha QMA aýmaqtyq departamentiniń qyzmetkerleri Atyraý qalasyndaǵy biliard klýbynyń ǵimaratynda zańsyz oiyn biznesin sáikes litsenziiasyz uiymdastyrý dereginiń jolyn kesti.
Atyraý q. eki turǵyny – D.Uzaqpaev jáne A.Ǵabdýlov zańsyz qumar oiyndaryn uiymdastyrý maqsatynda «Bomond» biliard klýbynyń «VIP» kabinasyn paidalanǵan.
Tekseris barysynda 600-ge jýyq oiyn kartalary men poker fishkalary tárkilendi.
Uiymdastyrýshylar qoǵamdyq jumystarǵa 100 saǵatqa tartyla otyryp, 2 jylǵa bas bostandyǵyn shekteýge jazasymen sottaldy.
