Syrdariianyń jaǵasynan boi kótergen tarihi monýment alty jyldan beri qor bop tur. Qyzylordanyń atyn shyǵaramyz dep baqandai 337 million teńgege 40 metr etip eskertkish saldyrǵan sheneýnikter ol oiyn aqyry paidaǵa asyra almai stellany jaýyp tynypty. Eki ortada eshkimge qajeti bolmai qalǵan qala simvoly uzaq jyldar boiy qańyrap, dáret syndyratyn orynǵa ainalǵan. Bul týraly KTK habarlady.
Monýment qyzylordalyq sheneýnikterdiń Syr ólkesine tartqan syiy eken. "Syr-Ana" atty tarihi monýment. Sáýkele kiip, buralyp turǵan arý - qazaq qyzynyń sulýlyǵyn pash etiken. Al shashaǵy jaiqalǵan kúrish sabaǵyndai óńirdiń naǵyz ereksheligin kórsetken. Dese de, óńirdiń basty simvolyna ainalýy tiis stellanyń zaty atyna sai bolmai tur.
"Oǵan adamdar onsha bara qoimaidy. Jabyq turady. Qaraýsyz qalǵan", - deidi Qyzylorda qalasynyń turǵyny Aidana Kósherbaeva.
Eskertkish osydan alty jyl buryn dúrkirep ashylǵan eken. Mundai monýmentke qýanǵan sol kezdegi óńir ákimi Bolatbek Qýandyqov Qairat Nurtas, Madina Sadýaqasova syndy áigili estrada juldyzdaryn arnaiy shaqyrtyp, úlken kontsert te ótkizgen-di. Alaida, ol aqsha da aýaǵa shashylǵan bolyp shyqty. Óitkeni, toi taraǵan soń monýment te jaiyna qalǵan.
Turǵynúi kommýnaldyq sharýashylyq jáne turǵynúi inspektsiiasy bólimi bastyǵynyń orynbasary Birjan Dalabaev monýmenttiń ishi ájethanaǵa ainalǵanyn aityp otyr.
"Onyń ishin dárethanaǵa ainaldyrǵany ras. Baryp ózderiniń qaldyqtaryn, qoqystaryn tastap ketedi. Terezesin talai syndyryp ketken faktiler de boldy. Odan keiin onyń bári qalpyna keltirilip, basyna kúzetshi ornalastyrylǵan. Biraq endi búgingi kúnge aldaǵy ýaqytta jaz ailary bastalyp kele jatyr. Osy kóktemde bir tazalaý jumystary júrgiziledi sodan keiin ashylady", - dedi ol.
