Atyraý oblysynda 33 bala mingen avtobýs jol jóndeý jumystary júrip jatqan ýchaskede balshyqqa batyp qalyp, tótenshe jaǵdaiǵa tap boldy. Oqiǵa Atyraý – Inder tasjolynyń 178-shaqyrymynda bolǵan, dep habarlaidy ult.kz.
Polisia.kz málimetinshe, sol baǵytta qyzmet atqaryp júrgen patrýldik politsiia rotasynyń qyzmetkerleri Samat Daýkenov pen Dáýren Jalaýov oqiǵa ornyna jedel jetip, balalardyń qaýipsizdigin qamtamasyz etýge kirisken.
Politseiler jaǵdaidy baǵalap, jol jóndeý jumystaryn júrgizip jatqan merdiger uiym ókilderin kómekke shaqyrǵan. Arnaiy tehnikanyń kómegimen avtobýs balshyqtan shyǵarylyp, qaýipsiz aimaqqa jetkizildi.
Qutqarý jumystary barysynda alǵashqy súireý kezinde tros úzilip ketkenimen, tártip saqshylary qajetti quraldardy uiymdastyryp, avtobýsty joldyń qaýipsiz bóligine shyǵarýǵa yqpal etti.
Jedel ári úilesimdi árekettiń arqasynda avtobýstaǵy 33 balanyń ómirine qaýip tóndirmei, kólik qozǵalysyn jalǵastyrýǵa múmkindik jasaldy.
Aita keteiik, buǵan deiin Semeide eki bala sýǵa batyp qaza bolǵan edi.
