QR Ulttyq ekonomika ministri Áset Erǵaliev shaǵyn jáne orta bizneske qoldaý kórsetý jumystaryn baiandady, dep habarlaidy QazAqparat.
«Pandemiia jaǵdaiynda kásipkerler úshin jalǵasyp jatqan shekteýler kezinde shaǵyn jáne orta biznesti qoldaý ózekti másele bolyp otyr. Osyǵan bailanysty biyl Ulttyq banktiń ainalym kapitalyn tolyqtyrýǵa jeńildikpen kredit berý baǵdarlamalary, sondai-aq, «Biznestiń jol kartasy 2025», «Qarapaiym zattar ekonomikasy», «Eńbek» jáne «jumyspen qamtý jol kartasy» baǵdarlamalary sheńberinde shaǵyn jáne orta biznesti jeńildikpen kreditteý jumystary jalǵasýda», - dedi Áset Erǵaliev Úkimettiń búgingi otyrysynda.
Sonymen birge, kreditter boiynsha jyldyq mólsherleme 6 paiyzdy qurady. Ainalym kapitalyn tolyqtyrýdy qarjylandyrý edáýir keńeitilip, kreditter somasy ulǵaityldy. Mikro jáne shaǵyn kásipkerlik sýbektilerine qoljetimdi mikrokredit berý iske qosyldy.
«Biyl birinshi jartyjyldyqta trillion teńgeden astam somaǵa 31 myńnan astam joba jeńildikpen qarjylandyrýǵa qol jetkizdi. Osy jyldyń qorytyndysy boiynsha jalpy nesie qorjyny 2,5 trillion teńge bolatyn 47 myńnan astam jobany jeńildetilgen nesiemen qamtý josparlanýda», - dedi Ulttyq ekonomika ministri.
