287 myńnan asa qazaqstandyq birjolǵy zeinetaqy tólemin alý quqyǵyn paidalandy. Bul týraly BJZQ habarlady.
2021 jylǵy 20 mamyrdaǵy jaǵdai boiynsha BJZQ salymshylardyń (alýshylardyń) zeinetaqy jinaqtaryn turǵyn úi jaǵdailaryn jaqsartý úshin paidalanýǵa bergen 280 709 ótinishin oryndady. Ýákiletti operator – bankterde ashylǵan qazaqstandyqtardyń arnaiy shottaryna BJZQ 1,3 trln teńgeden astam qarjy aýdardy. Birjolǵy zeinetaqy tólemderiniń ortasha somasy 4,7 mln teńgeden asa somany qurady.
Oryndalǵan ótinishterdiń eń kóbi Mańǵystaý oblysynyń (16,9%), Almaty qalasynyń (16,5%), Nur-Sultan qalasynyń (13,1%) turǵyndary tarapynan joldanǵan. www.enpf.kz saityndaǵy «Kórsetkishter» bóliminde salymshylardyń birjolǵy zeinetaqy tólemderin qandai maqsattarǵa paidalanýdy josparlaityny týraly egjei-tegjeili aqparat ornalastyrylǵan. Mundai aqparat óńirler bólinisinde de berilgen.
Qazirgi ýaqytta zeinetaqy jinaqtarynyń bir bóligin paidalanýǵa ótinishterdi qabyldaityn ýákiletti operatorlar «Otbasy banki» turǵyn úi qurylys jinaq banki» AQ, «Qazaqstan Halyq banki» AQ, «Altyn Bank» AQ, «Bank TsentrKredit» AQ bolyp tabylady.
Aita keteiik, ýákiletti operatorlardan salymshylardyń (alýshylardyń) jeke zeinetaqy shottaryna (JZSh) ótinish berýshiniń ótinishi jáne ózge de sebepter boiynsha 132,5 mlrd teńgeden astam soma qaitaryldy, sebebi, qazaqstandyqtar birjolǵy zeinetaqy tólemderin belgilengen merzimde paidalanbaǵan.
Buǵan qosa, BJZQ-ǵa emdelýge barlyǵy 8152 ótinish kelip tústi, onyń ishinde 5,1 mlrd teńgege jýyq somaǵa 5295 ótinish oryndaldy, ortasha somasy shamamen 1 mlnteńgeni quraidy. Sonymen qatar, salymshylardyń (alýshylardyń) BJZQ-daǵy JZSh-na ýákiletti operatordan («Otbasy banki» turǵyn úi qurylys jinaq banki» AQ) 1,2 mlrd teńge qaitaryldy, bul qarajat ótinish berýshiniń ótinishi jáne ózge de sebepter boiynsha belgilengen merzimde paidalanylmaǵan. Zeinetaqy jinaqtaryn emdelýge paidalaný jónindegi ózekti statistikamen www.enpf.kzsaityndaǵy
Salymshy suratqan zeinetaqy jinaqtarynyń somasy BJZQ-dan ýákiletti operatordaǵy arnaiy shotqa aýdarylǵannan keiin bul qarajattyń investitsiialyq basqarýdan alynatynyna, demek, oǵan investitsiialyq tabystyń eseptelmeitinine nazar aýdarǵymyz keledi.
Budan basqa, arnaiy shotqa aýdarylǵan zeinetaqy jinaqtaryna infliatsiia deńgeiin eskere otyryp, olardyń saqtalýy boiynsha memlekettiń zańda kózdelgen kepildigi qoldanylmaidy. Sondai-aq, BJZQ-dan tólenetin birjolǵy zeinetaqy tólemderiniń somalarynan salymshy tańdaǵan jáne onyń ótinishinde kórsetilgen tásilge sáikes jeke tabys salyǵyn (JTS) esepteý jáne ustap qalý júrgiziledi. Osyǵan orai, BJZQ-ǵa qarajatty qaitarý, investitsiialyq tabys pen memleket kepildigin joǵaltý, sondai-aq, JTS-ty merziminen buryn esepteý jaǵdailaryn boldyrmaý úshin salymshylarǵa birjolǵy zeinetaqy tólemderin paidalanýdy jaýapkershilikpen ári muqiiat josparlaýdy usynamyz. Zeinetaqy jinaqtarynyń maqsatty paidalanylýyn rastaý úshin qajetti qujattardyń tizimin ótinim bergenge deiin muqiiat zerdelep, olardy ýákiletti operatorǵa ýaqytyly usynýdy qamtamasyz etken jón.
Investitsiialyq portfeldi basqarýshylarǵa aǵymdaǵy jyldyń 20 mamyryndaǵyjaǵdai boiynsha 3,2 mlrd teńgege jýyq qarjy aýdaryldy. BJZQ kelip túsken 2030 ótinishtiń 1415-in oryndady. Aýdarymnyń ortasha somasy shamamen 2,3 mlnteńge. Zeinetaqy jinaqtaryn senimgerlik basqarýǵa berý boiynsha egjei-tegjeili statistika da enpf.kz saityndaǵy
BJZQ-dan zeinetaqy aktivterin alǵannan keiin IPB olardy QR Ulttyq Banki Basqarmasynyń 2014 jylǵy 3 aqpandaǵy №10 qaýlysymen bekitilgen Investitsiialyq portfeldi basqarý jónindegi qyzmetti júzege asyrý qaǵidalarynda kórsetilgen jáne IPB investitsiialyq deklaratsiiasynda kózdelgen ruqsat etilgen qarjy quraldaryna investitsiialaidy.
Zeinetaqymen qamsyzdandyrý týraly Zańǵa sáikes, IPB investitsiialyq basqarýdy júzege asyrǵany úshin komissiialyq syiaqy alýǵa quqyly. IPB syiaqysynyń shekti shamasy alynǵan investitsiialyq tabystyń 7,5%-nan aspaýy tiis. Komissiialyq syiaqynyń naqty shamasyn jyl saiyn IPB-nyń basqarýshy organy bekitedi jáne ol jylyna bir ret qana ózgerýi múmkin.
Salymshy zeinetkerlik jasqa tolǵanǵa deiin Ulttyq Banktiń basqarýynda bolatyn zeinetaqy jinaqtaryna infliatsiia deńgeii eskerilip otyratyn saqtalý kepildigi qoldanylady. Zeinetaqy jinaqtary IPB-nyń basqarýyna aýdarylǵan jaǵdaida, memlekettik kepildik basqarýshy kompaniianyń zeinetaqy aktivteriniń eń tómengi kiristilik deńgeiin qamtamasyz etetin kepildigimen almastyrylady. Kiristiliktiń eń tómengi deńgeii naryqta áreket etetin IPB-nyń basqarýyna berilgen zeinetaqy aktivteriniń ortasha alynǵan kiristiligin negizge ala otyryp eseptelinedi.
