Kóptegen sheteldik azamattar sapaly bilimdi ál-Farabi atyndaǵy Qazaq ulttyq ýniversitetinde alǵysy keledi. Oǵan jetekshi qazaqstandyq JOO-nyń álemdik reitingilerdegi orny, bilim berýdiń aǵylshyn tilinde bolýy jáne de sheteldik seriktes ýniversitettermen 70-ten astam qosdiplomdy baǵdarlamalardyń júzege asyrylýy óz yqpalyn tigizýde.
Alys jáne jaqyn sheteldiń 150-den astam talapkeri QazUÝ-ǵa túsý úshin ýniversitettiń onlain júiesi arqyly tirkelip, qujattaryn tapsyrdy. Olar rastaý aldy, endigi kezekte JOO-ǵa qashyqtyqtan qabyldana alady. Qyzmettiń bul túrin Braziliia, AQSh, Frantsiia, Germaniia, Indoneziia, Ońtústik Koreia, Túrkiia, Úndistan jáne taǵy basqa memleketterdiń azamattary qoldanyp úlgerdi.
Oqý isi jónindegi prorektor Asqar Hikmetov atap ótkendei, biylǵy jyly sheteldik stýdentterdiń úlken legi kútilýde. Olar joǵary halyqaralyq standarttarǵa sai keletin bilim berý baǵdarlamalary, aǵylshyn tilinde oqý múmkindigi jáne zamanaýi kitaphana, stýdentterge qyzmet kórsetý ortalyǵy, sport kesheni jáne jaily jataqhanalar ornalasqan biregei ýniversitet kampýsyna qyzyǵýshylyq tanytýda. QazUÝ-da olar sapaly bilim jáne biliktilik alyp, ózderiniń ǵylymi jáne shyǵarmashylyq áleýetin júzege asyra alady.
Búginde 300-den astam sheteldik azamat QazUÝ-da bilim alý úshin qujattaryn tapsyrdy. Jalpy jańa oqý jylynda 600 sheteldik stýdentti qabyldaý kútilýde. Úlken suranysqa ie mamandyqtardyń qatarynda: jalpy meditsina, aqparattyq júieler, halyqaralyq qatynastar, menedjment, biotehnologiia, qazaq jáne orys tilderin oqý.
