Foto: Habar24
Óskemen qalasynda politsiia qyzmetkerleri kólik satý syltaýymen azamattardy aldap kelgen jáne 4 jyldan astam ýaqyt boiy halyqaralyq izdeýde júrgen er adamdy ustady. Bul týraly Shyǵys Qazaqstan oblysy Politsiia departamentiniń baspasóz qyzmeti habarlady.
Kriminaldyq politsiia basqarmasynyń málimetinshe, 48 jastaǵy kúdikti 2022 jyldan beri birneshe alaiaqtyq deregi boiynsha izdeýde bolǵan. Ol avtokólik satý jeleýimen áreket etip, azamattarǵa «tiimdi sharttarmen» kólik usynyp, aldyn ala tólem alǵannan keiin ýádesin oryndamai otyrǵan.
Kei jaǵdailarda ol jábirlenýshilerge aqshanyń bir bóligin qaitaryp, mámileniń zańdy ekendigine sendirýge tyrysqan. Soǵan qaramastan, onyń áreketterinen keltirilgen jalpy materialdyq shyǵyn 30 million teńgeden asqany anyqtaldy.
Tergeý barysynda kúdiktiniń alaiaqtyq shemany kúrdelendirý úshin úshinshi tulǵalardy tartyp, olardyń atyna qaryz sharttaryn rásimdegeni belgili boldy. Aqsha berý rásimderi keide notariýstardyń qatysýymen de júrgizilgen.
Buǵan deiin de alaiaqtyq úshin qylmystyq jaýapkershilikke tartylǵan er adam qamaýǵa alynyp, ýaqytsha ustaý izoliatoryna qamaldy.
Qazirgi ýaqytta QR Qylmystyq kodeksiniń «Alaiaqtyq» baby boiynsha sotqa deiingi tergeý amaldary júrgizilýde.
