Túrkistanda úsh jyldan astam jabyq turǵan Qoja Ahmet Iasaýi kesenesiniń kúmbezi qaita jańartyldy. Kúmbezdiń tarihi kelbeti saqtalyp, jeldetkish qabattary retke keltirildi, dep habarlaidy "Ult aqparat".
Qazir kúmbez etegindegi segiz qyrmen qosylǵan jerinde gidrooqshaýlaý jumystary aiaqtalýǵa jaqyn.
Jalpy «Áziret Sultan» memlekettik tarihi-mádeni qoryq-mýzeii aýmaǵynda sońǵy kezde tarihi oryndarda qaita qalpyna keltirý jumystary júrgizilip, ortaǵasyrlyq Kúltóbe qalashyǵy men Han ordasy, eski meshit ornalasqan magistraldy kóshe boiynda arheologiialyq qazba jumystary qolǵa alynǵan.
Al, Kúltóbe qalashyǵyndaǵy qazba jumystarynyń nátijesi boiynsha 2019 jyly 5000-nan asa bizdiń eramyzǵa deiingi 1 ǵasyrda jasalǵan ejelgi altyn buiymdar tabylǵan. Budan bólek, Qoja Ahmet Iasaýi kesenesiniń aldynda týrister demalatyn, qalyń baý-baqshaly selfi-aimaq jasaqtalmaq. Tarihi nysannyń «Taqiia qaqpasy» mańynda qazba jumystary júrgizilip, tabylǵan jádigerler týrister kóz qýanyshyna ainalmaq. Qalada sondai-aq, B.Sattarhanov dańǵyly aýmaǵynda etnoaýyl salynýda.
Aita keteiik, Qoja Ahmet Iasaýi kesenesinde atqarylǵan jumystardyń barlyǵy IýNESKO-men kelise otyryp júrgizilýde.
Kesenedegi qaita qalpyna keltirý jumystarymen Qazaqstan Respýblikasy Mádeniet jáne sport ministrliginiń ókilderi tanysqan bolatyn.
