تٷركٸستاندا ٷش جىلدان استام جابىق تۇرعان قوجا احمەت ياساۋي كەسەنەسٸنٸڭ كٷمبەزٸ قايتا جاڭارتىلدى. كٷمبەزدٸڭ تاريحي كەلبەتٸ ساقتالىپ, جەلدەتكٸش قاباتتارى رەتكە كەلتٸرٸلدٸ, دەپ حابارلايدى "ۇلت اقپارات".
قازٸر كٷمبەز ەتەگٸندەگٸ سەگٸز قىرمەن قوسىلعان جەرٸندە گيدرووقشاۋلاۋ جۇمىستارى اياقتالۋعا جاقىن.
جالپى «ەزٸرەت سۇلتان» مەملەكەتتٸك تاريحي-مەدەني قورىق-مۋزەيٸ اۋماعىندا سوڭعى كەزدە تاريحي ورىنداردا قايتا قالپىنا كەلتٸرۋ جۇمىستارى جٷرگٸزٸلٸپ, ورتاعاسىرلىق كٷلتٶبە قالاشىعى مەن حان ورداسى, ەسكٸ مەشٸت ورنالاسقان ماگيسترالدى كٶشە بويىندا ارحەولوگييالىق قازبا جۇمىستارى قولعا الىنعان.
ال, كٷلتٶبە قالاشىعىنداعى قازبا جۇمىستارىنىڭ نەتيجەسٸ بويىنشا 2019 جىلى 5000-نان اسا بٸزدٸڭ ەرامىزعا دەيٸنگٸ 1 عاسىردا جاسالعان ەجەلگٸ التىن بۇيىمدار تابىلعان. بۇدان بٶلەك, قوجا احمەت ياساۋي كەسەنەسٸنٸڭ الدىندا تۋريستەر دەمالاتىن, قالىڭ باۋ-باقشالى سەلفي-ايماق جاساقتالماق. تاريحي نىساننىڭ «تاقييا قاقپاسى» ماڭىندا قازبا جۇمىستارى جٷرگٸزٸلٸپ, تابىلعان جەدٸگەرلەر تۋريستەر كٶز قۋانىشىنا اينالماق. قالادا سونداي-اق, ب.ساتتارحانوۆ داڭعىلى اۋماعىندا ەتنواۋىل سالىنۋدا.
ايتا كەتەيٸك, قوجا احمەت ياساۋي كەسەنەسٸندە اتقارىلعان جۇمىستاردىڭ بارلىعى يۋنەسكو-مەن كەلٸسە وتىرىپ جٷرگٸزٸلۋدە.
كەسەنەدەگٸ قايتا قالپىنا كەلتٸرۋ جۇمىستارىمەن قازاقستان رەسپۋبليكاسى مەدەنيەت جەنە سپورت مينيسترلٸگٸنٸڭ ٶكٸلدەرٸ تانىسقان بولاتىن.
