Túrkistan oblysynda úsh jasar qyzyn zorlap óltirgen qylmysker ómir boiyna bas bostandyǵynan aiyryldy. Oblystyq Qylmystyq ister jónindegi mamandandyrylǵan aýdanaralyq soty osyndai úkim shyǵardy, dep habarlaidy "Ult aqparat".
Aita keteiik, Ordabasy aýdanyna qarasty Bórjar aýylynyń 1972 jyly týǵan turǵyny R. Serik óziniń qyzyn aiaýsyz zorlap, óltirgen dep aiyptalǵan bolatyn. Ol ótken jyldyń qazan aiynda mas halde búldirshinge azǵyndyq jasaǵan. Artynsha denesine 38 pyshaq jaraqatyn salǵan. Birneshe aiǵa sozylǵan sot otyrysy kezinde aiyptalýshy kinásin tek kisi óltirý deregine qatysty ǵana moiyndaǵan. Tergeý kezinde jasalǵan psihiatriialyq saraptama sottalýshynyń deni saý, eshqandai aýytqýshylyqqa ushyramaǵandyǵyn kórsetken. Perzentin azaptap óltirgen aiyptalýshy endi sot úkimine shaǵym keltirmekshi.
Sot úkimi áli kúshine engen joq.
