تٷركٸستان وبلىسىندا ٷش جاسار قىزىن زورلاپ ٶلتٸرگەن قىلمىسكەر ٶمٸر بويىنا باس بوستاندىعىنان ايىرىلدى. وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى وسىنداي ٷكٸم شىعاردى, دەپ حابارلايدى "ۇلت اقپارات".
ايتا كەتەيٸك, ورداباسى اۋدانىنا قاراستى بٶرجار اۋىلىنىڭ 1972 جىلى تۋعان تۇرعىنى ر. سەرٸك ٶزٸنٸڭ قىزىن اياۋسىز زورلاپ, ٶلتٸرگەن دەپ ايىپتالعان بولاتىن. ول ٶتكەن جىلدىڭ قازان ايىندا ماس حالدە بٷلدٸرشٸنگە ازعىندىق جاساعان. ارتىنشا دەنەسٸنە 38 پىشاق جاراقاتىن سالعان. بٸرنەشە ايعا سوزىلعان سوت وتىرىسى كەزٸندە ايىپتالۋشى كٸنەسٸن تەك كٸسٸ ٶلتٸرۋ دەرەگٸنە قاتىستى عانا مويىنداعان. تەرگەۋ كەزٸندە جاسالعان پسيحياترييالىق ساراپتاما سوتتالۋشىنىڭ دەنٸ ساۋ, ەشقانداي اۋىتقۋشىلىققا ۇشىراماعاندىعىن كٶرسەتكەن. پەرزەنتٸن ازاپتاپ ٶلتٸرگەن ايىپتالۋشى ەندٸ سوت ٷكٸمٸنە شاعىم كەلتٸرمەكشٸ.
سوت ٷكٸمٸ ەلٸ كٷشٸنە ەنگەن جوق.
