Tótenshe jaǵdai birinshi vitse-ministri, general-leitenant Ibragim Kúlshimbaev 8-qabattan qulai jazdaǵan qyzdy qutqarǵan Sábit Shontaqbaevty "Tótenshe jaǵdaidaǵy erligi úshin" tósbelgisimen marapattady, - dep habarlaidy "Ult aqparat" TJM baspasóz qyzmetine silteme jasap.
Aita keteiik, 11 mamyr saǵat 10:21-de «Uly Dala kóshesi, 27/1» mekenjaiyndaǵy úidiń 8-qabatyndaǵy terezede balanyń ilinip turǵany týraly habarlama túsken. Shaqyrtý ornyna jeke quramnan 7 adam jáne 2 birlik tehnikadan turatyn Nur-Sultan qalasynyń TJD bólimsheleri jiberilgen.
"Kelgen sátte segizinshi qabattaǵy balkonnyń erneýine ilingen balany tómengi qabatta turatyn er adam qutqarǵany anyqtaldy. 2019 jyly týǵan qyz bala terezeden aýyp ketken kezde úide eshkim bolmaǵan. Jetinshi qabatta turatyn 1985 jylǵy Sábit Shontaqbaev jylap jatqan balany kórip, óz ómirine qaýip tóndire otyryp, sanaýly sekýndtarda balanyń ómirin saqtap qaldy.
Qurmetti ata-analar, bul bala aman-esen qutqaryldy, biraq sońy qaiǵymen aiaqtalǵan kóptegen jaǵdai bar. Balalardy eresekterdiń qaraýynsyz qaldyrmańyz! Eger úide kishkentai bala bolsa, terezelerdi ashyq tastamańyz, óitkeni balanyń áreket etýi úshin bir sekýnd jetkilikti", - deidi TJM baspasóz qyzmeti.
