Shyǵys Qazaqstan oblysynda QR Tótenshe jaǵdailar ministrliginiń «Qazaviaqutqarý» ushqyshtary 3 shaqalaq pen 2 eresek adamdy aýrýhanaǵa jetkizdi, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, Aqjar men Aqsýat aýyldarynan jańa týǵan 3 shaqalaq, Katonqaraǵai aýdanynan áiel jáne Altai qalasynan er adam tikushaqpen Óskemen qalasyna jetkizildi. Olarǵa shuǵyl meditsinalyq kómek kórsetilýi tiis bolǵan.
«Jedel áreket etý úshin «Eurocopter-145» tikushaǵynyń ushqyshtary kún jaryq kezde patsientterdi alyp Óskemenge jetýi kerek edi», - dep habarlady vedomstvo ókilderi.
Aita keteiik, sońǵy kúnderi óńirde qolaisyz meteojaǵdai qalyptasqan. Biraq soǵan qaramastan QR TJM «Qazaviaqutqarý» ushqyshtary Igor Mýhin men Ilia Tochai azamattardy jedel jetkizip tastady.
