Sýret: QR UQK baspasóz qyzmeti
Jyl basynan beri Ulttyq qaýipsizdik komiteti men IIM Reseidiń FQQ-men birlesip, Baiqońyr qalasy men Qyzylorda oblysyndaǵy kriminogendik jaǵdaidy saýyqtyrý boiynsha is-sharalardy júzege asyryp jatyr, - dep habarlaidy "Ult aqparat" UQK baspasóz qyzmetine silteme jasap.
Buǵan deiin habarlanǵandai, qańtarda eki eldiń arnaiy jáne quqyq qorǵaý organdary Qazaqstan men Resei azamattary qatysqan qoǵamǵa qaýipti qylmystyq toptyń qyzmetin toqtatqan.
"Atalǵan jumysty jalǵastyra otyryp, UQK asa qatygezdikpen erekshelenetin kezekti uiymdasqan qylmystyq topty jedel zerdeleýge aldy. Onyń qatysýshylarynyń aýyr qylmystarǵa (kisi urlaý, bopsalaý, urlyq, kisi óltirýge oqtalý) qatysýy qujattaldy.
15-16 naýryzda UQK-FQQ, sondai-aq IIM jáne prokýratýra qyzmetkerleri qatarynan memleketaralyq jedel-tergeý toby Almaty, Qyzylorda jáne Baiqońyr qalalarynda qylmystyq árekettiń 13 jetekshisi men belsendi qatysýshylaryn ustaý boiynsha birjolǵy arnaiy operatsiia júrgizdi", - delingen habarlamada.
Sotqa deiingi tergep-tekserý bastaldy, ustalǵandardyń ózge de qylmystar jasaýǵa qatystylyǵy anyqtalyp jatyr.
