Almaty turǵyny smartfon ornyna eki kesek kir sabyn alǵan, - dep habarlaidy Tengrinews.kz tilshisi.
Bul týraly ol áleýmettik jelide jariialaǵan videosynda málimdeidi. Qyz 294 myń teńgege Samsung Galaxy S9 smartfony men AirPods qulaqqapqa tapsyrys bergenin aitady.
"Men uialy telefon satýmen ainalysamyn. Tanysym qońyraý shalyp, baǵalaryn surady. Ol dosynyń sait arqyly arzanyraq alǵanyn aityp, sapasyn tekserip berýdi surady. Siltemesin jiberdi. Rasymen baǵalary arzan, sýretteri tamasha boldy", - deidi Evgeniia Tengrinews.kz tilshisine (tegin jazbaýdy surady).
Ol baǵalardyń óte tómen bolǵandyǵyn atap ótti.
"Baǵasy óte arzan, qońyraý shalyp original ma dep suradym. Eger unamasa, qaitaryp bere alatynynymdy aitty. Internet arqyly ǵana tapsyrys bere alasyń. 29 naýryzda kýrer habarlasty, aqsha daiyn ba dep surady. Aqsha bar, biraq, aldymen qaraimyn dep aittym. Qorapty ashtyq, ishinen kir sabyn shyqty. Qasymda turǵandar kýá. Bárimiz abdyryp qaldyq. Kýrerge ne aqsha, ne qorapty ustatyp jiberý kerek. Men qorapty bergim kelmei otyr", - dep jalǵastyrdy ol.
Qyzdyń sózinshe, kompaniianyń saitta kórsetilgen mekenjaiy men qorapta kórsetilgen mekenjai sáikes kelmeidi.
"Qorapta jeke kásipkerlik ataýy turdy. Al bul mekenjaida balabaqsha ornalasqan, karta solai kórsetip tur. Politseiler bul isti tekserýge almaitynyn aitty, óitkeni ziian kelgen joq, men aqshany bermedim ǵoi. Nazarǵa alady, biraq, áreket etpeidi", - deidi ol.
