الماتى تۇرعىنى سمارتفون ورنىنا ەكٸ كەسەك كٸر سابىن العان, - دەپ حابارلايدى Tengrinews.kz تٸلشٸسٸ.
بۇل تۋرالى ول ەلەۋمەتتٸك جەلٸدە جارييالاعان ۆيدەوسىندا مەلٸمدەيدٸ. قىز 294 مىڭ تەڭگەگە Samsung Galaxy S9 سمارتفونى مەن AirPods قۇلاققاپقا تاپسىرىس بەرگەنٸن ايتادى.
"مەن ۇيالى تەلەفون ساتۋمەن اينالىسامىن. تانىسىم قوڭىراۋ شالىپ, باعالارىن سۇرادى. ول دوسىنىڭ سايت ارقىلى ارزانىراق العانىن ايتىپ, ساپاسىن تەكسەرٸپ بەرۋدٸ سۇرادى. سٸلتەمەسٸن جٸبەردٸ. راسىمەن باعالارى ارزان, سۋرەتتەرٸ تاماشا بولدى", - دەيدٸ ەۆگەنييا Tengrinews.kz تٸلشٸسٸنە (تەگٸن جازباۋدى سۇرادى).
ول باعالاردىڭ ٶتە تٶمەن بولعاندىعىن اتاپ ٶتتٸ.
"باعاسى ٶتە ارزان, قوڭىراۋ شالىپ وريگينال ما دەپ سۇرادىم. ەگەر ۇناماسا, قايتارىپ بەرە الاتىنىنىمدى ايتتى. ينتەرنەت ارقىلى عانا تاپسىرىس بەرە الاسىڭ. 29 ناۋرىزدا كۋرەر حابارلاستى, اقشا دايىن با دەپ سۇرادى. اقشا بار, بٸراق, الدىمەن قارايمىن دەپ ايتتىم. قوراپتى اشتىق, ٸشٸنەن كٸر سابىن شىقتى. قاسىمدا تۇرعاندار كۋە. بەرٸمٸز ابدىرىپ قالدىق. كۋرەرگە نە اقشا, نە قوراپتى ۇستاتىپ جٸبەرۋ كەرەك. مەن قوراپتى بەرگٸم كەلمەي وتىر", - دەپ جالعاستىردى ول.
قىزدىڭ سٶزٸنشە, كومپانييانىڭ سايتتا كٶرسەتٸلگەن مەكەنجايى مەن قوراپتا كٶرسەتٸلگەن مەكەنجاي سەيكەس كەلمەيدٸ.
"قوراپتا جەكە كەسٸپكەرلٸك اتاۋى تۇردى. ال بۇل مەكەنجايدا بالاباقشا ورنالاسقان, كارتا سولاي كٶرسەتٸپ تۇر. پوليتسەيلەر بۇل ٸستٸ تەكسەرۋگە المايتىنىن ايتتى, ٶيتكەنٸ زييان كەلگەن جوق, مەن اقشانى بەرمەدٸم عوي. نازارعا الادى, بٸراق, ەرەكەت ەتپەيدٸ", - دەيدٸ ول.
