QR Mádeniet jáne sport ministri Arystanbek Muhamediuly Qazaqstanda buqaralyq sport túrlerin damytýda qandai kedergiler baryn aity, dep habarlaidy QazAqparat tilshisi.
«Men buqaralyq sporttyń damýyna teris áserin tigizip jatqan máseleler týraly aita keteiin. Birinshi ári eń mańyzdy máselelerdiń biri - sport infraqurylymynyń halyq sanyna sai jetispeýi. Sport infraqurylymynyń ósýi - negizinen jattyǵý alańdaryn salý esebinen baiqalady. Al jabyq sport qurylystardyń sany respýblika boiynsha, ásirese aýyldy jerlerde áli de jetispeidi. Mysaly, mektepterdiń janyndaǵy sport zaldar tek sabaq ótkizý úshin qoldanylady. Elimizde barlyǵy dene shynyqtyrý zaldary boiynsha 1,5 mln sharshy metr mólsherinde qajettilik bar», - deidi ministr Úkimet otyrysynda.
Arystanbek Muhamediulynyń aitýynsha, memlekettik-jekeshelik áriptestik arqyly sporttyq nysandardyń qurylysyndaǵy oń dinamikany eskermei ketýge bolmaidy.
«Bul rette, «Búkilqazaqstandyq kiokýshinkai karate» respýblikalyq qoǵamdyq birlestiginiń «Karate ár aýlaǵa» baǵdarlamasy aiasynda óz qarajaty esebinen Qaraǵandy, Aqtaý, Pavlodar qalalarynda salǵan sporttyq kesheni bar balalarǵa arnalǵan sporttyq-saýyqtyrý alańdarynyń qurylysyn atap ótken jón. Sondyqtan, halyqty sportpen jappai shuǵyldanýǵa tartý qajet. Osy arqyly «Sport ár aýlaǵa» jobasymen sporttyq kesheni bar balalarǵa arnalǵan sporttyq-saýyqtyrý alańdarynyń jappai qurylysy boiynsha sharalar qabyldaý arqyly jumysty kúsheitýdi usynamyz», - dedi ol.
