QR Ekologiia, geologiia jáne tabiǵi resýrstar ministrligi Qostanai oblysy Jitiqara aýdanynyń Jelkýar ózenindegi balyqtardyń qyrylýyna qatysty túsinik berdi, dep habarlaidy QazAqparat.
Vedomstvonyń baspasóz qyzmeti taratqan málimetke súiensek, 2021 jylǵy 6 jeltoqsanda Tobyl-Torǵai oblysaralyq basseindik balyq sharýashylyǵy inspektsiiasyna Qostanai oblysy Jitiqara aýdanynyń Jelqýar ózeninde balyqtardyń qyrylýy týraly aqparat túsken.
Atalǵan jerge birqatar quzyrly mekemeniń mamandary barǵan.
«Nátijesinde ortasha salmaǵy 17-den 25 grammǵa deiingi «torta» túrindegi balyqtardyń qyrylý faktisi anyqtaldy, ólgen balyqtyń jalpy kólemi 280 kg. Ekologiia departamenti men «Balyq sharýashylyǵy ǵylymi-óndiristik ortalyǵy» JShS Soltústik filialynyń mamandary zerthanalyq zertteýler júrgizý úshin sý synamalary men balyq ushalaryn aldy.
Ólgen balyqtar jinalyp, kádege jaratý úshin «Qostanai oblysy Jitiqara aýdanynyń veterinariialyq stantsiiasy» KMK-ǵa berildi», - delingen ministrlik habarlamasynda.
Málim etilgendei, tiri qalǵan balyqty saqtaý jáne odan ári qyrylýǵa jol bermeý maqsatynda Tobyl-Torǵai oblysaralyq basseindik balyq sharýashylyǵy inspektsiiasynyń mamandary Jitiqara aýdany Zabelovka kentiniń ákimdigimen birlesip, melioratsiialyq jumystar (sý aidynyn aeratsiialaý, shuńqyrlardy burǵylaý jáne mainalardy kesý) uiymdastyrǵan.
«Osy ýchaskedegi balyqtyń tyǵyzdyǵyn azaitý úshin jaqyn mańdaǵy Jelqýar sý qoimasyna balyqtardyń bir bóligin kóshirý boiynsha jumystar júrgizilýde.
Búgingi tańda inspektsiia, aýyl ákimdigi jáne «Vystrel» JShS shamamen 500 kg balyqty qutqarýdy júzege asyrdy. Qutqarý jumystary jalǵasýda.
Balyqtardyń qyrylýynyń aldyn ala sebebi – 1,5 ga ýchaskedegi balyq resýrstarynyń tolyp ketýine bailanysty sýdaǵy otteginiń bolmaýy.
Zerthanalyq zertteýlerdiń nátijeleri týraly aqparat qosymsha habarlanatyn bolady», - dedi ministrliktiń baspasóz qyzmetinen.
