«Qazgidromet» RMK-sy qyrkúiektiń 28-ne arnalǵan aýa raiy boljamyn jariia etti, dep habarlaidy "Ult aqparat".
Kásiporyn málimetterine qaraǵanda, atmosferalyq frontaldy bólikter shyǵysqa bet ala otyryp, soltústik-batysqa, respýblikanyń soltústigine yqpal etedi. Atalǵan aimaqtarda jaýyn jaýyp, kún kúrkireýi múmkin.
Qazaqstannyń ózge aimaqtarynda kún ashyq. Kei jerlerde jel kúsheiip, ońtústikte onyń arty shańdy daýylǵa ulasady. Túnde jáne kúndiz eldiń birqatar aýmaqtarynda tuman túsedi.
Aqmola, Soltústik Qazaqstan oblysynda jel kúsheiip, jyldamdyǵy sekýndyna 15-20 metrge jetedi, kúndiz eldiń basym bóliginde jeldiń kúshi sekýndyna 15-20 metr bolyp ekpini, 23-28 metrge jetedi.
Almaty oblysynda, Jalańashkól aýdanynda jeldiń jyldamdyǵy 18-23 m/s bolady.
Jambyl, Túrkistan, Batys Qazaqstan, Qostanai, Qaraǵandy, kúndiz Pavlodar, Aqtóbe oblystarynyń birqatar jerlerinde jeldiń jyldamdyǵy sekýndyna 15-20 metrge jetedi. Pavlodar, Aqtóbe oblystarynda tuman túsedi.
Mańǵystaý, Atyraý, Shyǵys Qazaqstan oblystarynyń birqatar aýmaqtarynda da tuman túsedi.
Qyzylorda oblysynyń kei jerlerinde kúndiz jyldamdyǵy sekýndyna 15-20 metr bolatyn jel soǵyp, arty shańdy daýylǵa ulasady.
Túrkistan oblysynda jáne Jambyl, Qyzylorda, Atyraý, Aqtóbe, Qaraǵandy, Almaty oblystarynyń kei jerlerinde órt qaýpi saqtalady.
