Foto: Aqorda
Toqaev Eńbek jáne halyqty áleýmettik qorǵaý ministrin qabyldap, áleýmettik qoldaý tetikterin kúsheitý boiynsha tapsyrma berdi, dep habarlaidy Ult.kz.
Memleket basshysy Eńbek jáne halyqty áleýmettik qorǵaý ministri Svetlana Jaqypovany qabyldady. Kezdesýde eńbek naryǵyn damytý, halyqtyń áleýmettik jaǵdaiyn jaqsartý jáne zeinetaqy júiesin jetildirý baǵytyndaǵy atqarylyp jatqan jumystar talqylandy.
Ministrdiń aitýynsha:
– Jumyspen qamtý salasy boiynsha 2029 jylǵa deiingi jospardyń 83%-y oryndalǵan.
Sońǵy bes jylda 2,7 million azamat eńbekke tartylǵan. Óńirlerde sapaly jumys oryndaryn ashýǵa baǵyttalǵan jol kartasy jáne jyl saiynǵy KPI júiesi iske asýda.
– Ataýly áleýmettik kómek alýshylardyń sany 30%-ǵa azaiǵan.
Bul resýrstardy shyn máninde muqtaj jandarǵa baǵyttaýǵa múmkindik bergen. Qazirgi ýaqytta 285,1 myń adam ataýly kómek alyp otyr. Biyl bul maqsatqa 27,1 mlrd teńge bólindi.
– Óndiristik jaraqattaný 6,5%, al adam ólimine ákelgen oqiǵalar 4,5% tómendegen.
– Áleýmettik qyzmetter portaly arqyly 522 myńnan astam azamatqa qyzmet kórsetilgen, 27 myń adam invataksi qyzmetin paidalanǵan.
– Bazalyq zeinetaqy eń tómengi kúnkóris deńgeiiniń 70%-yna deiin ulǵaityldy, ári jyl saiyn infliatsiiaǵa sáikes indeksatsiia júrgiziledi.
2028 jylǵa qarai jumys berýshiniń mindetti zeinetaqy jarnasy 5%-ǵa deiin kezeń-kezeńimen ósedi.
– Prezident Joldaýynda aitylǵan tapsyrmalardy oryndaý aiasynda Biryńǵai tsifrlyq platforma qurylyp jatyr. Bul áleýmettik qoldaýdy naqty muqtaj azamattarǵa jedel jetkizýge múmkindik beredi.
Memleket basshysy:
- jumyspen qamtý sapasyn arttyrýdy,
- áleýmettik qoldaý sharalaryn tolyq tsifrlandyrýdy,
- eńbek qatynastaryndaǵy qaýip-qaterlerdiń aldyn alýdy,
- zeinetaqy júiesin jáne kóshi-qon saiasatyn jańǵyrtýdy tapsyrdy.
