26 jastaǵy er adam óz týysyn taspen uryp óltirgen. Otbasylyq qaiǵyly oqiǵa Jambyl oblysynyń Talas aýdanynda oryn aldy, dep habarlaidy "Ult aqparat".
Talas aýdandyq politsiia bólimine Qarataý qalasynyń turǵyny qońyraý shalyp, úidiń aýlasynda óz kúieýi men onyń týysynyń tóbelesip jatqanyn habarlaǵan. Keleńsiz jaǵdaidan er adam aýyr jaraqat alyp, aýdandyq aýrýhanada kóz jumǵan.
Politseiler «Kisi óltirý» baby boiynsha sotqa deiingi tergeýdi bastap, kúdiktini izin sýytpai qolǵa túsirdi.
«Jábirlenýshiniń mekenjaiyna onyń 1995 jyly týǵan týys inisi buryn aralarynda bolǵan arazdyqtaryn sheshý úshin kelip, urys kótergen.
Saldarynan aralaryndaǵy daý órship, sońy tóbeleske ainalǵan. Kúdikti jábirlenýshi taspen uryp, oqiǵa bolǵan jerden boi tasalaǵan», – dedi Jambyl oblysy PD Tergeý basqarmasynyń bastyǵy Ábsamat Bekmuhambetov.
Meditsinalyq saraptama qorytyndysyna sáikes, kúdikti alkogol men kannabinoidtardyń áserinen mas kúide bolǵan. Ol óz qylmysyn tolyq moiyndady. Kúdikti qazir ýaqytsha ustaý izoliatorynda.
Sotqa deiingi tergeý júrgizilýde.
