2020 jyldyń qorytyndysy boiynsha Qazaqstanda 25 541 múgedektigi bar adamǵa jumyspen qamtýdy qoldaýdyń túrli sharalary kórsetildi, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Olardyń 15,4 myńnan astamy Nátijeli jumyspen qamtýdy jáne jappai kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy sheńberinde jumysqa ornalastyryldy, onyń ishinde 7,2 myńy turaqty jumys oryndaryna, al qalǵandary áleýmettik jumys oryndaryna, jastar praktikasyna jáne qoǵamdyq jumystarǵa ornalastyryldy. Budan basqa, 1,5 myńǵa jýyq adam mikrokreditter men granttar aldy, onyń ishinde «Bastaý biznes» jobasy aiasynda.
Sondai-aq, 2,2 myń múgedektigi bar adam Jumyspen qamtýdyń 2020-2021 jyldarǵa arnalǵan jol kartasy sheńberinde jumysqa ornalastyryldy.
Múgedektigi bar adamdar úshin jumys oryndaryn kvotalaý qaǵidalaryna sáikes 2020 jyly jumys berýshiler múgedektigi bar 6,4 myń adamdy jumysqa qabyldady.
Halyqaralyq tájiribeni eskere otyryp, múgedektigi bar adamdardy jumysqa ornalastyrý úshin arnaiy jumys ornyn jaraqtandyrýǵa bailanysty jumys berýshilerdiń shyǵyndaryn sýbsidiialaý tártibi engizildi, ol boiynsha ótken jyly kórý, estý jáne tirek-qimyl apparaty buzylǵan adamdar úshin 31 arnaiy jumys orny quryldy.
