Búginde Qazaqstanda shalǵaidaǵy eldi mekenderde ornalasqan 250-den astam mektep pen 200-ge jýyq aýrýhana joǵary jyldamdyqty internetke qosylǵan. Bul týraly QR Tsifrlyq damý, qorǵanys jáne aeroǵarysh ónerkásibi ministrliginiń baspasóz qyzmetinen málim etti, dep habarlaidy "Ult aqparat".
Ministrlikten málim etkendei, 3 myń shaqyrym talshyqty-optikalyq bailanys jelileri júrgizilip, nátijesinde Jambyl, Qaraǵandy, Qyzylorda, Pavlodar, Aqtóbe, Aqmola jáne Túrkistan oblystarynda ornalasqan 200-den astam aýylǵa Internet jetkizilgen.
Jalpy, «Tsifrlyq Qazaqstan» memlekettik baǵdarlamasy sheńberinde iske asyrylyp jatqan «QR aýyldyq eldi mekenderin talshyqty-optikalyq bailanys jelileri tehnologiiasy boiynsha keń jolaqty qoljetimdilikpen qamtamasyz etý» jobasy aiasynda jyl sońyna deiin 685 aýylda ornalasqan 2 myńnan astam memlekettik organ men biýdjettik uiymdy joǵary jyldamdyqty internetke qosý josparlanǵan.
«Bul joba - biz úshin óte mańyzdy, sebebi azamattardy sapaly internetpen qamtamasyz etken soń, tsifrlandyrýdyń joǵary deńgeii týraly aitýǵa bolady. Bul joba aýyl oqýshylaryna túrli baǵdarlamalar boiynsha onlain rejiminde bilimin jetildirýge, dárigerlerge telemeditsina elementterin óz tájiribesinde qoldanýǵa múmkindik berse, azamattar «Elektrondyq úkimet» portaly arqyly memlekettik qyzmetterdi úilerinde otyryp alatyn bolady jáne basqa da kóptegen múmkindikterge ie bolady», - dep atap ótti QR Tsifrlyq damý, innovatsiialar jáne aeroǵarysh ónerkásibi ministrligi Telekommýnikatsiialar komitetiniń tóraǵasy Vitalii Iaroshenko.
2018 jyldyń qazan aiynda «Qazaqtelekom» AQ jáne «Transtelekom» AQ jáne «SilkNetCom» JShS quramyndaǵy konsortsiým ókilderi QR Aqparat jáne kommýnikatsiia ministrligimen «Qazaqstan Respýblikasynyń aýyldyq eldi mekenderin talshyqty-optikalyq bailanys jelileri tehnologiiasy boiynsha keń jolaqty qoljetimdilikpen qamtamasyz etý» jobasy boiynsha memlekettik-jekemenshik áriptestik shartyna qol qoiǵanyn aityp ótken jón. Jelilerdiń jalpy uzyndyǵy 20 myńnan astam shaqyrymdy quraidy. Jobany iske asyrý nátijesinde 1250 aýylda 3 718 memlekettik organdar men biýdjettik uiymdarǵa (aýrýhanalar, mektepter, apattyq qyzmetter, jergilikti atqarýshy organdar, qorǵanys obektileri jáne quqyqqorǵaý organdary) joǵary jyldamdyqty internetke qoljetimdilikpen qamtylady. 2018 jyldyń qorytyndysy boiynsha 56 aýylda ornalasqan 177 memlekettik organ men biýdjettik uiymdarǵa bailanys qyzmetteri usynyldy.
