بٷگٸندە قازاقستاندا شالعايداعى ەلدٸ مەكەندەردە ورنالاسقان 250-دەن استام مەكتەپ پەن 200-گە جۋىق اۋرۋحانا جوعارى جىلدامدىقتى ينتەرنەتكە قوسىلعان. بۇل تۋرالى قر تسيفرلىق دامۋ, قورعانىس جەنە اەروعارىش ٶنەركەسٸبٸ مينيسترلٸگٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
مينيسترلٸكتەن مەلٸم ەتكەندەي, 3 مىڭ شاقىرىم تالشىقتى-وپتيكالىق بايلانىس جەلٸلەرٸ جٷرگٸزٸلٸپ, نەتيجەسٸندە جامبىل, قاراعاندى, قىزىلوردا, پاۆلودار, اقتٶبە, اقمولا جەنە تٷركٸستان وبلىستارىندا ورنالاسقان 200-دەن استام اۋىلعا ينتەرنەت جەتكٸزٸلگەن.
جالپى, «تسيفرلىق قازاقستان» مەملەكەتتٸك باعدارلاماسى شەڭبەرٸندە ٸسكە اسىرىلىپ جاتقان «قر اۋىلدىق ەلدٸ مەكەندەرٸن تالشىقتى-وپتيكالىق بايلانىس جەلٸلەرٸ تەحنولوگيياسى بويىنشا كەڭ جولاقتى قولجەتٸمدٸلٸكپەن قامتاماسىز ەتۋ» جوباسى اياسىندا جىل سوڭىنا دەيٸن 685 اۋىلدا ورنالاسقان 2 مىڭنان استام مەملەكەتتٸك ورگان مەن بيۋدجەتتٸك ۇيىمدى جوعارى جىلدامدىقتى ينتەرنەتكە قوسۋ جوسپارلانعان.
«بۇل جوبا - بٸز ٷشٸن ٶتە ماڭىزدى, سەبەبٸ ازاماتتاردى ساپالى ينتەرنەتپەن قامتاماسىز ەتكەن سوڭ, تسيفرلاندىرۋدىڭ جوعارى دەڭگەيٸ تۋرالى ايتۋعا بولادى. بۇل جوبا اۋىل وقۋشىلارىنا تٷرلٸ باعدارلامالار بويىنشا ونلاين رەجيمٸندە بٸلٸمٸن جەتٸلدٸرۋگە, دەرٸگەرلەرگە تەلەمەديتسينا ەلەمەنتتەرٸن ٶز تەجٸريبەسٸندە قولدانۋعا مٷمكٸندٸك بەرسە, ازاماتتار «ەلەكتروندىق ٷكٸمەت» پورتالى ارقىلى مەملەكەتتٸك قىزمەتتەردٸ ٷيلەرٸندە وتىرىپ الاتىن بولادى جەنە باسقا دا كٶپتەگەن مٷمكٸندٸكتەرگە يە بولادى», - دەپ اتاپ ٶتتٸ قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ تەلەكوممۋنيكاتسييالار كوميتەتٸنٸڭ تٶراعاسى ۆيتاليي ياروشەنكو.
2018 جىلدىڭ قازان ايىندا «قازاقتەلەكوم» اق جەنە «ترانستەلەكوم» اق جەنە «SilkNetCom» جشس قۇرامىنداعى كونسورتسيۋم ٶكٸلدەرٸ قر اقپارات جەنە كوممۋنيكاتسييا مينيسترلٸگٸمەن «قازاقستان رەسپۋبليكاسىنىڭ اۋىلدىق ەلدٸ مەكەندەرٸن تالشىقتى-وپتيكالىق بايلانىس جەلٸلەرٸ تەحنولوگيياسى بويىنشا كەڭ جولاقتى قولجەتٸمدٸلٸكپەن قامتاماسىز ەتۋ» جوباسى بويىنشا مەملەكەتتٸك-جەكەمەنشٸك ەرٸپتەستٸك شارتىنا قول قويعانىن ايتىپ ٶتكەن جٶن. جەلٸلەردٸڭ جالپى ۇزىندىعى 20 مىڭنان استام شاقىرىمدى قۇرايدى. جوبانى ٸسكە اسىرۋ نەتيجەسٸندە 1250 اۋىلدا 3 718 مەملەكەتتٸك ورگاندار مەن بيۋدجەتتٸك ۇيىمدارعا (اۋرۋحانالار, مەكتەپتەر, اپاتتىق قىزمەتتەر, جەرگٸلٸكتٸ اتقارۋشى ورگاندار, قورعانىس وبەكتٸلەرٸ جەنە قۇقىققورعاۋ ورگاندارى) جوعارى جىلدامدىقتى ينتەرنەتكە قولجەتٸمدٸلٸكپەن قامتىلادى. 2018 جىلدىڭ قورىتىندىسى بويىنشا 56 اۋىلدا ورنالاسقان 177 مەملەكەتتٸك ورگان مەن بيۋدجەتتٸك ۇيىمدارعا بايلانىس قىزمەتتەرٸ ۇسىنىلدى.
