Kriminaldyq politsiia qyzmetkerleri jedel izdestirý sharalaryn júrgizý kezinde birneshe urlyq jasady degen kúdikpen buryn sottalǵan 25 jastaǵy elorda turǵynyn ustady, dep habarlaidy "Ult aqparat" Nur-Sultan qalalyq Politsiia deparatmentiniń baspasóz qyzmetine silteme jasap.
Tergeý barysynda ustalǵan azamattyń túngi ýaqytta terezeni buzyp kirip, úi-jaidan aqsha urlaǵany anyqtaldy.
Ol bir dúkennen 7 myń teńge urlaǵan. Bul oǵan jetkiliksiz bolǵandyqtan ustalǵan azamat ashana ornalasqan kórshi ǵimaratqa bet alǵan. Úi-jaiǵa kirip, ol 20 myń teńge somasynda qolma-qol aqsha urlaǵan. Biraq jas jigitke bul da jetkiliksiz bolyp, ol kelesi dúkenge qarai bettegen. Ol dúken terezesin buraǵyshtyń kómegimen burap ashyp, ol jerden 6 myń teńge urlap ketken.
Politsiia qyzmetkerleriniń kómegimen ustalǵan kúdikti óz kinásin moiyndady.
Atalǵan fakti boiynsha QR QK «Urlyq» baby boiynsha qylmystyq is qozǵaldy, onyń osyǵan uqsas buryn jasalǵan qylmystarǵa qatysy bar-joǵy anyqtalýda.
Nur-Sultan qalasynyń politsiia departamenti saq bolýǵa, keńseler men dúkenderdiń bólmelerin beinebaqylaý kameralarymen jabdyqtaýǵa keńes beredi.
