كريمينالدىق پوليتسييا قىزمەتكەرلەرٸ جەدەل ٸزدەستٸرۋ شارالارىن جٷرگٸزۋ كەزٸندە بٸرنەشە ۇرلىق جاسادى دەگەن كٷدٸكپەن بۇرىن سوتتالعان 25 جاستاعى ەلوردا تۇرعىنىن ۇستادى, دەپ حابارلايدى "ۇلت اقپارات" نۇر-سۇلتان قالالىق پوليتسييا دەپاراتمەنتٸنٸڭ باسپاسٶز قىزمەتٸنە سٸلتەمە جاساپ.
تەرگەۋ بارىسىندا ۇستالعان ازاماتتىڭ تٷنگٸ ۋاقىتتا تەرەزەنٸ بۇزىپ كٸرٸپ, ٷي-جايدان اقشا ۇرلاعانى انىقتالدى.
ول بٸر دٷكەننەن 7 مىڭ تەڭگە ۇرلاعان. بۇل وعان جەتكٸلٸكسٸز بولعاندىقتان ۇستالعان ازامات اسحانا ورنالاسقان كٶرشٸ عيماراتقا بەت العان. ٷي-جايعا كٸرٸپ, ول 20 مىڭ تەڭگە سوماسىندا قولما-قول اقشا ۇرلاعان. بٸراق جاس جٸگٸتكە بۇل دا جەتكٸلٸكسٸز بولىپ, ول كەلەسٸ دٷكەنگە قاراي بەتتەگەن. ول دٷكەن تەرەزەسٸن بۇراعىشتىڭ كٶمەگٸمەن بۇراپ اشىپ, ول جەردەن 6 مىڭ تەڭگە ۇرلاپ كەتكەن.
پوليتسييا قىزمەتكەرلەرٸنٸڭ كٶمەگٸمەن ۇستالعان كٷدٸكتٸ ٶز كٸنەسٸن مويىندادى.
اتالعان فاكتٸ بويىنشا قر قك «ۇرلىق» بابى بويىنشا قىلمىستىق ٸس قوزعالدى, ونىڭ وسىعان ۇقساس بۇرىن جاسالعان قىلمىستارعا قاتىسى بار-جوعى انىقتالۋدا.
نۇر-سۇلتان قالاسىنىڭ پوليتسييا دەپارتامەنتٸ ساق بولۋعا, كەڭسەلەر مەن دٷكەندەردٸڭ بٶلمەلەرٸن بەينەباقىلاۋ كامەرالارىمەن جابدىقتاۋعا كەڭەس بەرەدٸ.
